Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
KOSOVA
U përfshi në një konflikt, dhunohet brutalisht ish-deputeti (VIDEO)
PiranjatPërditësimi i fundit 14 Tetor 2025, 11:49
Një rast i rëndë dhune është regjistruar të dielën në fshatin Dubravë të komunës së Ferizajt, ku ish-deputeti Danush Ademi është sulmuar fizikisht nga disa persona.
Nga pamjet e publikuara, tregojnë momentin kur Ademi rrahet brutalisht nga një grup i madh individësh.
Ngjarja është konfirmuar nga Policia e Kosovës, përmes zëdhënësit për rajonin e Ferizajt, Kanun Veseli, i cili deklaroi për mediat se incidenti ndodhi pas një mosmarrëveshjeje verbale.
“Me datën 12.10.2025, rreth orës 16:30, në fshatin Dubravë, Komuna e Ferizajt, policia ka shoqëruar në stacionin policor një person të dyshuar, mashkull kosovar, pasi dyshohet se, pas një mosmarrëveshjeje verbale, ka sulmuar personin tjetër, ankuesin, mashkull kosovar,” tha Veseli.
Sipas tij, me urdhër të prokurorit, i dyshuari është liruar në procedurë të rregullt, ndërsa rasti është klasifikuar si “sulm”.
Nuk është bërë ende e ditur arsyeja konkrete e konfliktit, ndërkohë që hetimet janë në vijim për të identifikuar edhe personat e tjerë të përfshirë në rrahje, të cilët shihen në video, por ajo çfarë mësohet, është se sulmuesit janë të afërm të Qazim Rrahmani nga partia PDAK.
Danush Ademi ka qenë deputet në Kuvendin e Kosovës, dhe më herët ka mbajtur pozita publike në nivel lokal dhe qendror.
Pritet që në ditët në vijim institucionet përkatëse të dalin me më shumë detaje rreth motivit të ngjarjes dhe të marrin masa ndaj përgjegjësve.
