Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
KOSOVA
Vuçiç bën thirrje për luftë, Vjosa Osmani: Do dështojë si Millosheviqi
PiranjatPërditësimi i fundit 4 Tetor 2025, 15:48
Presidentja e Kosovës, Vjosa Osmani, ka reaguar pas deklaratave të homologut të saj serb, Aleksandar Vuçiq, i cili tha se "të gjithë po përgatiten për luftë". Përmes një postimi në rrjetin social X, Osmani ka cilësuar thirrjet e Vuçiqit si "jehonë të rrezikshme" të kapitujve më të errët të historisë së Ballkanit.
Në reagimin e saj, Osmani thekson se këto deklarata të presidentit serb janë një kërcënim i hapur për stabilitetin dhe paqen në rajon dhe tregojnë se Vuçiqi nuk ka zgjedhur rrugën e pajtimit dhe bashkëpunimit, pavarësisht angazhimeve të shumta ndërkombëtare për një paqe të qëndrueshme. Sipas Osmani, Vuçiqi dhe regjimi i tij po flirtojnë me "fantazitë shkatërruese" të së kaluarës që i kanë kushtuar jetën shumë të pafajshmëve.
"Në vend që të kthejë faqen, Vuçiqi dhe regjimi i tij po flirtojnë përsëri me të njëjtat fantazi shkatërruese që dikur shkatërruan jetë të panumërta e të pafajshme," thotë presidentja Osmani, duke iu referuar periudhës së viteve 1990, kur ish-presidenti serb Slobodan Millosheviq, me Vuçiqin si shefi i propagandës së tij, nxiti dhunën dhe urrejtjen që çoi në krime lufte dhe gjenocid në Ballkan.
Osmani e përmend Millosheviqin, duke nënvizuar se historia është e pamëshirshme dhe se ai ka dështuar, ashtu siç do të dështojë edhe Vuçiqi. "Historia është e qartë dhe e pamëshirshme. Millosheviqi dështoi njëjtë do të dështojë edhe Vuçiqi," u shpreh ajo.
Në reagimin e saj, Osmani theksoi se Kosova ka zgjedhur paqen dhe se kjo është një zgjedhje që do të mbrohet me çdo kusht. Ajo gjithashtu nënvizoi se "Lufta nuk është një mjet lidershipi. Është streha e fundit e udhëheqësve që kanë humbur legjitimitetin", duke e cilësuar si një mundësi të fundit për ata që nuk mund të frymëzojnë me vizion dhe që nuk shohin rrugë përpara, përveçse përmes shkatërrimit.
"Paqen, të cilën ne do ta mbrojmë me çdo kusht," përfundoi deklarata e Presidentes Osmani, duke theksuar angazhimin e Kosovës për stabilitetin dhe paqen në rajon.
