Një hetim ndërkombëtar për trafikim në shkallë të gjerë të kokainës ka çuar në arrestimin e bosit ...
LIFESTYLE
Djali “plak” ndërroi jetë/ Babai: E gjithë e mira që ka bërë na është kthyer pesëfish
PiranjatPërditësimi i fundit 24 Qershor 2026, 22:10
Çifti italian, Amerigo Basso dhe Laura Lucchin kujtuan djalin e tyre, Sammy Basso, shkencëtar dhe aktivist, i cili ndërroi jetë në moshën 28-vjeçare më 5 tetor 2024 si pasojë e një gjendjeje të papritur shëndetësore të lidhur me progerinë, një sëmundje e rrallë që shkakton plakje të parakohshme. E ftuar në studio, nëna e tij rikujtoi momentin kur u zbulua sëmundja, e cila nuk ishte identifikuar gjatë dy viteve të para të jetës së Sammy-t.
“Kur bënim kontrollet, mjekët na qetësonin duke na thënë se me rritjen e tij gjithçka do të rregullohej”, shpjegoi Laura Lucchin.
Ajo kujtoi gjithashtu vendimin për të autorizuar një ekzaminim të posaçëm gjenetik: “Pediatri kishte filluar të vërente tek Sammy disa tipare të veçanta fizike, por nuk arrinte t’i jepte një emër asaj që po shihte. Ne e përjetuam vizitën me qetësi, por në fund na thanë se ai vuante nga progeria dhe se jetëgjatësia e pritshme ishte vetëm 13 vjet”, tregoi ajo.
Gjatë intervistës, nëna e Sammy-t tregoi edhe shokun pas diagnozës. “Kur u kthyem në shtëpi ishim të hutuar, nuk mund ta besonim që i kishte ndodhur djalit tonë, në atë kohë kishte vetëm 30 raste të njohura në botë”, thotë Laura Lucchin. Dhe shton: “Atë mbrëmje ai më pa duke qarë, iu afrua dhe më kërkoi t’i bëja një buzëqeshje”.
Sammy jetoi deri në moshën 28 vjeç, pesëmbëdhjetë vjet më shumë se sa ishte parashikuar, duke u bërë një simbol i angazhimit në kërkimin shkencor. Më shumë se një vit pas ndarjes së tij nga jeta, babai i tij i ka bërë homazh dashurisë dhe mbështetjes së marrë.
“Ajo që ai mbolli na është kthyer pesëfish”, thotë Amerigo Basso, i cili shton: “Shumë njerëz na thonë se në një farë mënyre djali ynë i ka ndihmuar të gjejnë veten dhe të kenë një jetë më të mirë”. /PiranjatNews/
