Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
LIFESTYLE
"Kam frikë me shku te Zoti”/ Ndërroi jetë sot, çfarë thoshte aktori i njohur Enver Petrovci gjatë një interviste dhe pse e kishte këtë frikë
PiranjatPërditësimi i fundit 22 Shtator 2025, 21:16
U nda nga jeta sot në moshën 71-vjeçare aktori i njohur nga Kosova, Enver Petrovci, një nga figurat më të njohura dhe më të respektuara të skenës dhe kinematografisë shqiptare.
Aktori dhe pedagogu i shquar la pas një trashëgimi të pasur artistike, e cila do të mbetet e gjallë për brezat e ardhshëm. Në një intervistë të dhënë para tre vitesh, Petrovci rrëfeu hapur bindjet dhe pasionin e tij të thellë për artin. Ai ishte i vetëdijshëm për talentin e tij, por edhe për përgjegjësinë që vinte me të.
“Mendoj që pak kam punuar, pak kam bërë, nuk jam modest. Unë jam besimtar. Aty nuk kam dilemë, se e kam parë dritën e Zotit,” kishte thënë ai në atë intervistë. Gjithashtu, Petrovci shprehu edhe frikën e tij për dhuratën e talentit që kishte marrë nga Zoti.
“Kam frikë me shku te Zoti sepse më ka dhënë shumë mundësi, e unë nuk kam bërë asgjë. Në krahasim me atë se sa mundësi m’ka dhënë.”, tha ai. Gjithashtu nënvizoi veçoritë që e bënë artist të veçantë, si zëri, mendja, talenti për skenë, komponim, këndim dhe instrument, si dhe shëndetin që i mundësoi të ushtronte artin me pasion.
“E unë vetëm kam qenë shqiptar,” ishte shprehja e tij që reflektonte thellësinë e lidhjes së tij me identitetin kombëtar dhe artin. Trashëgimia e Enver Petrovcit do të mbetet një pjesë e rëndësishme e kulturës shqiptare, duke frymëzuar breza të rinj artistësh dhe duke lënë një model të paharrueshëm për jetën, talentin dhe përkushtimin ndaj artit.
