Një seri manovrash janë përdorur nga Belinda Balluku, për të përfituar një vilë luksoze me pishinë në një...
LIFESTYLE
Manuali i tradhtisë/ 8 rregullat që e mbajtën lidhjen sekrete për 14 vite pa u kapur
PiranjatPërditësimi i fundit 24 Mars 2026, 13:28
Një grua që ka pasur një lidhje jashtëmartesore për 14 vite ka ndarë rregullat e saj për të mos u kapur.
Pavarësisht se divorci ekziston prej më shumë se 350 vitesh me rastin e parë të regjistruar në Mbretërinë e Bashkuar mes Lord Roos dhe Lady Anne Pierrepont në vitin 1670 për shkak të tradhtisë së kësaj të fundit – njerëzit sot ende zgjedhin të tradhtojnë partnerët në vend që thjesht të ndahen.
Ndërsa disa zgjedhin forma më “eksperimentale” si marrëdhëniet e hapura, të tjerë i qëndrojnë mënyrës tradicionale: tradhtisë ndaj bashkëshortëve apo partnerëve.
Thuhet se lidhjet e fshehta gjithmonë zbulohen, sidomos kur partneri nis udhëtime të papritura vetëm, por disa kanë arritur t’i mbajnë të fshehta për vite me radhë.
Një grua 50-vjeçare ka treguar historinë e saj se si ka arritur të mbajë një lidhje intime me një burrë të martuar për më shumë se 14 vite, ndërkohë që bashkëshorti dhe dy fëmijët e saj duket se nuk kanë asnjë dijeni.
Ajo ndau tetë rregullat e saj për të shmangur dyshimet në një artikull për “The Sun”. Edhe pse publikimi i historisë në një gazetë kombëtare mund të duket si mënyra më e shpejtë për t’u zbuluar, ajo ka ndryshuar emrat e personave të përfshirë.
“Caroline”, siç e quan veten, shkruan:
“Prej 14 vitesh kemi një lidhje të fshehtë dhe nuk kemi ndërmend ta ndalojmë. Nuk e imagjinoj jetën pa të. Ai është shpirti im binjak dhe e dua. Për këtë arsye, nuk do të rrezikoj kurrë të zbulohem, ndaj jemi shumë praktikë dhe, edhe pse të dashuruar, nuk lejojmë që emocionet të na marrin përpara. Lidhjet e çmendura dhe të pakujdesshme zbulohen.”
Ata janë njohur në një konferencë pune në vitin 2011 dhe që atëherë takohen afërsisht çdo 10 ditë, pa shenja se do të ndalojnë, pavarësisht martesave të tyre.
Në fillim ajo ndjeu faj, sidomos kur fëmijët e saj të vegjël e pyesnin për “konferencat e punës”, por sipas saj, mungesa e ndryshimit nga ana e bashkëshortit e shtyu drejt një burri tjetër.
Caroline shton:
“E mbaja sekretin fort brenda meje, duke kujtuar momentet me Dan-in, kur ndihesha e lirë dhe tërheqëse për herë të parë pas lindjes së fëmijëve. E dija që do ta takoja sërish – dhe kështu ka ndodhur çdo 10 ditë që atëherë.”
Më pas ajo rendit rregullat e saj, duke theksuar se më e rëndësishmja është të mos bëhesh “lakmitar”, pasi takimet e shpeshta rrisin rrezikun e zbulimit.
8 rregullat e saj:
• Fik aplikacionet që gjurmojnë vendndodhjen • Trego vetëm një personi të besuar • Konsumo vetëm pije joalkoolike për të ruajtur seriozitetin • Mos përmend interesa të reja dhe mos ndrysho sjellje • Parashiko më të keqen dhe gjithmonë ki një justifikim • Ji e paqartë dhe shpesh e padisponueshme • Zgjidh një partner që është gjithashtu i martuar • Mos e tepro me takimet
Ajo pranon se këto rregulla mund të mos funksionojnë për të gjithë dhe se ndarja është gjithmonë një zgjidhje më e mirë sesa tradhtia.
Megjithatë, për të, kjo marrëdhënie ka funksionuar: “Mendova se pasioni do të zbehej ose se faji do më pushtonte dhe do ta mbyllja këtë histori. Asnjëra nuk ndodhi.
Dëshira fillestare u kthye në dashuri – e adhuroj çdo pjesë të Dan-it. Ai më bën të ndihem e sigurt, e dashur dhe e vlerësuar.
Përveç fëmijëve të mi, nuk ka askënd me të cilin do të doja të kaloja kohën më shumë.”/Përktheu Piranjat News
