Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
LIFESTYLE
Roboti provoi të kërcente me këngën "Billie Jean" të Michael Jackson dhe gjithçka shkoi keq, shikoni videon
Piranjat NewsPërditësimi i fundit 21 Maj 2026, 10:09
Një incident i papritur që përfshin një robot humanoid është bërë viral në mediat sociale, pasi ai u rrëzua para një publiku gjatë një shfaqjeje vallëzimi në Kinë, ndërsa po kryente lëvizje të frymëzuara nga Michael Jackson.
Sipas Daily Mail, incidenti u regjistrua në një aktivitet të organizuar nga dyqani i robotikës Future Era në qytetin Shenzhen të Kinës. Në videon që është shpërndarë gjerësisht në internet, roboti duket duke kërcyer nën tingujt e këngës "Billie Jean", duke u përpjekur të imitojë lëvizjet karakteristike të këngëtarit të famshëm.
A robot collapsed and fell while trying to dance to Michael Jackson’s “Billie Jean” pic.twitter.com/KTwINIaLC1
Ndërsa luhet muzika, roboti humanoid fillimisht lëviz rehat në skenë, por disa sekonda më vonë pengohet në një shkallë. Pavarësisht përpjekjes së tij për të rifituar ekuilibrin dhe për të vazhduar programin, pak më vonë ai humbet përsëri kontrollin në të njëjtin pikë dhe bie përtokë.
Publiku e shikon skenën i hutuar, ndërsa disa sekonda më vonë një punonjës del në skenë dhe e largon robotin e imobilizuar.
Videoja shkaktoi mijëra komente në mediat sociale, me shumë përdorues që e trajtuan me humor performancën e dështuar të robotit. Disa i krahasuan lëvizjet e tij me "një xhaxha të dehur që kërcen në një dasmë", ndërsa të tjerë komentuan me sarkazëm se ndoshta nuk jemi aq shumë në rrezik që Inteligjenca Artificiale të na marrë punën në fund të fundit!
Përdorues të tjerë u përqendruan në mënyrën se si roboti u hoq nga skena, duke vënë në dukje se asistenti "të paktën mund të kërcente në mënyrë që të dukej si pjesë e shfaqjes"./Piranjat News
