Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
“15 policë më rrethuan”, Gjekmarkaj flet për incidentin në protestë: Kemi të bëjmë me një urdhër politik! 8 deputetë socialistë u interesuan për mua kur isha në spital
n.fPërditësimi i fundit 28 Dhjetor 2024, 18:26
Gjekmarkaj
TIRANË- Nënkryetar i PD-së dhe Kuvendit, Agron Gjekmarkaj duke folur për incidentin që i ndodhi gjatë protestës së fundit të thirrur nga Partia Demokratike, ku ai u dhunua nga policia, tha se nuk bëri asgjë që të meritonte një sjellje të tillë. Gjekmarkaj në emisionin “Kjo Javë” me gazetaren Nisida Tufa në News24 tha se nuk është një person që kërkon as heroizimin e as viktimizimin.
Ai shtoi se është sjellë në mënyrë vetëmbrojtëse. Gjekmarkaj tha se si drejtues Politik i Qarkut të Lezhës e ka për detyrë tu prijë njerëzve. Ai theksoi se u gjend befas i rrethuar nga 10 apo 15 policë.
“Nuk jam një person që kërkoj as heroizimin as viktimizimin. Jam sjellë në mënyrë vetëmbrojtëse. Jam drejtues Politik i Qarkut të Lezhës dhe kam për detyrë t’i prij njerëzve. Jam gjendur befas i rrethuar nga 10 apo 15 policë, të cilëve megjithëse iu prezantova se kush jam, nuk ia dola dot”, tha Gjekmarkaj.
Nënkryetari i PD-së u shpreh se nuk e mendonte që do të ndodhte ajo që ndodhi pasi protestuesit ishin paqësorë.
“Isha mbështetur te një makinë e vogël që ishte e ndalur, ndodhesha me efektivin e Gardës që kam për hir të postit si nënkryetar i Kuvendit. Të ushtrosh presion ndaj nënkryetarit të Kuvendit, të jeni të sigurtë se kemi të bëjmë me një urdhër politik”, tha Gjekmarkaj.
Ai tha se policia filloi ta shtyrje, me shumë forcë dhe se ai nuk ishte i përgatitur për veprime të forta fizike.
“Ia thashë me të qeshur policëve, nuk jam person që shkoj në palestër, nuk jam i përgatitur për veprime të forta fizike, por kjo e thënë me të qeshur nuk vleu dhe policia shtoi presionin, shtyrjet e forta”, tha Gjekmarkaj.
Nënkryetari i Kuvendit tha se gjatë qëndrimit në spital ishin 7 ose 8 deputetë socialistë që janë interesuar për shëndetin.
“Prisja edhe të tjerë, por kanë munguar, ndoshta nuk e kanë pasur atë kurajon”, tha Gjekmarkaj.
