Prokuroria e Tiranës ka regjistruar vetëm tre procedime penale lidhur me dëmtimet e shkaktuara protestuesve gjatë javës së fundit,...
POLITIKE
“2027-ën nuk e pamë në ëndërr”, Rama: Në Bruksel nuk të fal njeri!
PiranjatPërditësimi i fundit 13 Tetor 2025, 12:05
Gjatë konferencës së përbashkët me Presidenten e KE-së, Ursula von der Leyen, kreu i qeverisë shqiptare Edi Rama theksoi se 2027 është viti kur Shqipëria pritet të anëtarësohet në BE.
Rama theksoi se ky vit është parë si koha e përshtatshme për anëtarësimin e Shqipërisë edhe nga Komisioni Europian. Më tej, ai theksoi se i gjithë procesi është meritë e Shqipërisë, pasi sipas Ramës në Bruksel nuk të fal njeri.
“Sot ne jemi në një situatë, ku kemi hapur 5 nga 6 grup kapituj dhe procesi negociata në vetëm 11 muaj është një kohë rekord. Dhe sigurisht që ne kemi bërë detyrë tona se në Bruksel nuk të fal njeri akoma. Por nuk do të ndodhte ky proces me këtë shpejtësi nëse nuk do të kishte një vullnet jo vetëm nga komisioni por dhe nga vendet anëtare. Sepse i gjithë BE që prej disa kohësh nuk ka lëkundje fare që duhet mbështetur procesi i anëtarësimeve të reja dhe Shqipëria. Është vullnet i përgjithshëm. Ndërkohë që viti 2027 nuk është se pamë në ëndërr, por është një vit që e kemi parë së bashku me Komisionin Evropian. Normalisht ky vit lidhet me reformat që bëjmë këtu me masat që janë të kalendarizuara dhe të detajuar. Nëse ne do vazhdojmë me këtë ritëm dhe me këtë sukses ne do t’ja dalim që në 2027 ta bëjmë detyrën tonë.”,-tha ndër të tjera Edi Rama.
