Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
“Detyrat nuk i bëjmë për të kënaqur BE-në”/ Rama, kontradiktor: I kemi për veten tonë, në 2027-ën mbyllet e gjitha
PiranjatPërditësimi i fundit 13 Tetor 2025, 11:36
Kryeministri Edi Rama foli në një konferencë të përbashkët me Presidenten e KE-së, Ursula von der Leyen në lidhje me afatin që konsiderohet si i fundit për anëtarësimin e Shqipërisë në BE dhe për detyrat që ka vendi ynë në këtë proces.
Rama theksoi se i gjithë procesi pritet të mbarojë brenda vitit 2027.
Teksa më tej ai theksoi se detyrat nuk bëhen për të “bërë qejfin e BE-së”, por për veten.
“Kur themi 2027 dmth që brenda 2027 do mbyllen kapitujt. Ne nga ana jonë do t’ia dalim mbanë duhet të bëjmë të gjitha detyrat, që janë shumë mirë të përcaktuar, plus edhe në planin e rritjes. Nëse sot ne marrim një vlerësim kaq pozitiv, kjo vjen si rezultat i detyrave të bërë deri tani. Detyrat nuk i bëjmë se na i kërkojnë apo se duam të kënaqim ata që nesër do na miratojmë anëtarësimin në Paris Apo Berlin, se Londra ka ikur në drejtim të paditur. I bëjmë detyrat për veten tonë sepse na bën më funksional si shtet. Për në procesi i integrimit është proces shtetbërje demokratike. Në fund kur komisioni të thotë ne mbaruam punën tonë, do të thotë që Shqipëria merr një certifikatë se jemi një shtet funksional demokratik. Pastaj si i tillë mund të hyjmë në BE dhe vijon procesi i përmirësimit, që nuk mbaron kurrë, as Gjermania nuk e ka mbaruar. Jemi fat që jemi në mes të Europës dhe kemi BE-në”-deklaroi ndër të tjera Edi Rama.
Deklaratë, disi kontradiktore kjo e Ramës, duke ditur se shpesh herë kreu i qeverisë thekson se detyrat duhen përmbushur të gjitha më përpikmëri nëse duam që Shqipëria të anëtarësohet në BE.
