Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
"334 mln euro kosto në vit për emigrantët", Meloni në Shëngjin: Qendrat do të jenë operative nga 1 gushti, vonesa u shkaktuan për shkak të terrenit të vështirë
r.llPërditësimi i fundit 5 Qershor 2024, 14:57
konferenca
TIRANË- Kryeministrja italiane Giorgia Meloni ka dhënë detaje të reja lidhur zbatimin e marrëveshjes për emigrantët. Meloni ka treguar se qendrat do të jenë operative nga data 1 gusht 2024, ndërsa shtoi se vonesat për përfundimin e qendrës, u shkaktua nga terreni i vështirë në Gjadër.
Ajo tregoi se “Meri Hostes” do të jetë shoqëria që do të ndjekë procedurën e menaxhimit të qendrave të pritjes. Transporti do të kryhet nga anijet e marinës italiane. Meloni ka deklaruar se kostoja që paguan Italia për të gjitha procedurat dhe akomodimin e këtyre emigrantëve është 334 milionë Euro.
Ajo është shprehur përsëri se Shqipëria po sillet sikur të ishte pjesë anëtare me të drejta të plota e Bashkimit Europian, ndërsa shtoi gjithashtu mbështetëse e fuqishme e anëtarësimit jo vetëm të Shqipërisë, por edhe të Ballkanit Perëndimor në BE.
Meloni: Ne morëm parasysh disa kritere e kushte, emigracioni i jashtëligjshëm është fenomen shqetësues që vendet e BE nuk mund ta përballojnë të vetme, duhet ndihma edhe e vendeve jashtë BE. Na mbetet vetëm të forcojmë këtë bashkëpunim. Nëpërmjet kësaj marrëveshje, Shqipëria ka vendosur disa territore ku Italia po kryen punimet për ngritjen e dy qendrave. Fillimisht në Shëngjin ku do të pritet dhe në Gjadër ku do të strehohen. Emigrantët që janë shpëtuar, sigurisht që në Shqipëri nuk do të vijnë gratë shtatzëna, personat në moshë të caktuar, do të jetë një strukturë ku do të kryhen të gjitha procedurat e kalimit të kufirit, do të kemi përshpejtim të procedurave kur janë nga vendet e sigurta. Do të jenë operative nga 1 gushti 2024. Do ta realizojmë me sukses. Dy muajt e vonesës janë shkaktuar për shkak të terrenit disi të vështirë në Gjadër.
Nga vendet e ashtuquajtura të sigurta, kanë mbërritur 11 mijë persona, gjysma janë subjekte vulnerabël. Ne duhet të kishim dërguar në Shqipëri 5 mijë e 500 emigrantë. “Meri Hostes” do të jetë shoqëria që do të ndjekë procedurën e menaxhimit. Transporti do të kryhet nga anijet e marinës italiane, ministria e brendshme ka shpallur dhe një garë përsa i përlket shpenzimeve të transportit 13,5 mln Euro.
334 milionë Euro në vit që përbëjnë 7.5% të trajtimit të emigrantëve në territor kombëtar, këto burime nuk duhet të konsiderohen si burime shtesë. Emigrantët që do të vijnë në Shqipëri, ne mendojmë se elementi kryesor i kësaj marrëveshje është se mund të jetë një mjet i fuqishëm për të penguar emigrantët të mbërrijnë në brigjet e Europës dhe për të luftuar trafikun e qenieve njerëzore, reduktim të kostove apo shpenzimeve. Kemi arritur edhe një ulje të emigranëtve që kanë mbërritur në brigjet tona. Ne po bëjmë një investim. Me kapacitetin e këtyre qendrave, duke pasur parasysh faktin, atëherë ne në Itali do të kursejmë 136 milionë Euro. Ne jemi mjaft të kënaqshëm në përfundim të punimeve. Nëpërmjet kësaj marrëveshje jo vetëm që fuqizohet më tepër marrëdhënia jonë, por shkëmbimi tregtar me Shqipërinë rritet. Shqipëria është vend mike e Italisë dhe BE-së sepse Shqipëria sillet sikur të ishte pjesë anëtare me të drejta të plota të BE dhe i përmbahet të gjitha parimeve. Italia do të jetë dhe është një mbështetëse e fuqishme e anëtarësimit jo vetëm të Shiqpëri, por edhe të Ballkanit Perëndimor në BE.
