Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
POLITIKE
Abilekaj: Përmbytjet nuk janë fatkeqësi natyrore
PiranjatPërditësimi i fundit 12 Janar 2026, 17:11
Analisti Enton Abilekaj, i ftuar në një intervistë në Syri TV me moderator Edvin Parruca, ka kritikuar ashpër qeverinë dhe kryeministrin Edi Rama për mënyrën si trajtohen përmbytjet dhe krizat infrastrukturore në vend.
Sipas tij, përgjegjësia është e qartë dhe e njohur prej vitesh, pasi betonizimi i pakontrolluar dhe keqmenaxhimi i territorit kanë shkatërruar infrastrukturën, duke e bërë vendin të pambrojtur ndaj çdo fenomeni natyror. Abilekaj theksoi se qeveria shmang përgjegjësinë, ndërsa qytetarët paguajnë pasojat e vendimeve të gabuara dhe të qëllimshme.
Enton Abilekaj: Me sa duket, kjo është më e rëndësishmja. Ne sot diskutojmë sikur nuk e dimë se kush e ka fajin. Ky është problemi i parë që kemi ne. Të gjitha diskutimet për mua janë të kota. Sepse ne e dimë kush e ka fajin, e kemi ditur që kur Shqipëria është betonizuar në të gjitha zonat në të cilat është betonizuar, ne e kemi ditur që do vijë dita që do përmbyten këto zona. Do vijë dita që do kenë nevojë për shërbime emergjente, sepse asnjë shërbim nuk garantohet. E gjithë infrastruktura është zero. Dhe do vijë dita që të gjitha këto zona do kenë prapë halle të tjera kur vjen vera, probleme të tjera në çdo stinë të vitit, kriza të tjera të cilat shkaktohen gjoja nga natyra, që nga fenomene të pa të pandodhura më parë të natyrës. Pra, mendoj që hyrja në debat këtë herë është gabim sepse nuk ka asnjë ë, është e qartë që infrastruktura është shkatërruar për shkak të keqmenaxhimit të territorit dhe keqmenaxhimi i territorit është shkatërruar me qëllim nga qeveria me qëllim e përfitimi të pastër. Kjo është e qartë.
Qeveria nuk mund të pranojë që është fajtore, por minimalisht, minimalisht kryeministri Edi Rama mund të sillej njëherë të vetme si kryeministër, por e ka humbur prapë këtë mundësi të sillej si kryeministër, sepse ai ka narcizizmin e një adoleshenti në qeverisje, që vazhdon të flasë për arritje të mëdha. Dhe në vend që të kërkonte falje, në vend që të kërkonte ndjesë atyre që janë përmbytur, sillet si një bixhozxhi, që pasi u prishi lekët atyre njerëzve atje që u ka marrë lekët dhe s'u ka bërë asgjë, thotë që me lekët e këtyre të tjerëve do t'ju jap fitimin edhe për ju. Pra nga lekët tona do u jap para për t'i dëmshpërblyer ata. Pasi me lekët e tyre s'u bëri asnjë gjë. As kanale, as infrastrukturë minimale që të mos përmbyten. Infrastrukturë minimale që të mos digjen, infrastrukturën minimale që të mos u prishen shtëpitë kur bie tërmeti. Asgjë gjë.
Në çdo ngjarje që ndodh këtu, në çdo fatkeqësi natyrore, ne kemi Durrësin të parin që shkatërrohet. Pse? Sepse janë dhënë ndërtime pa leje. Kush i tha atyre që të prisnin kolonat e një pallati në Durrës dhe ai të rrëzohej i gjithi? Kush i tha atyre të ndërtonin në rërë? Kush u dha leje atyre? Kush i ka bërë këto? Kush i ka thënë atyre që të prishin gjithë kanalizimin dhe ta shndërrojnë një tokë pa drenazhim, ta shndërrojnë në lagje banimi? Kush ua dha lejen atyre? Kush i legalizoi ata? Që janë pa leje. Kush ua merr taksat? Pra në vend që një kryeministër të ulë kokën, minimalisht do të jepte dorëheqjen, por, në rastin e mosdorëheqjes, të shpallte gjendjen e fatkeqësisë natyrore, minimumi, prapë nuk e bën. Del dhe flet me krenari sepse nuk ka njerëz që ta detyrojnë të japin llogari. Del dhe flet si narcizist, si me narcizizmin e një adoleshenti dhe me papërgjegjshmërinë e një njeriu që nuk ka asnjë lidhje me qeverisjen. Dhe nuk flet as nga zyra e kryeministrisë, por nga një podkast idiot që ka shpikur aty për të folur vetë. Ky është problemi që kemi ne. Problemi është që njerëzit nuk revoltohen. As ata që u janë prishur shtëpitë nuk revoltohen kur e shohin kryeministrin këtu.
