Një stuhi me reshje të dendura ka përfshirë qytetin e Elbasanit dhe zona të ndryshme të qarkut, duke shkaktuar grumbullime t&eum...
POLITIKE
Vangjeli: Mirëmbajtja e Tunelit të Llogarasë, tjetër kosto e fshehur për shqiptarët, shembulli i korrupsionit dhe keqqeverisjes
PiranjatPërditësimi i fundit 12 Janar 2026, 14:35
Zëdhënësja për Antikorrupsionit në PD, Genta Vangjeli ka dalë më një deklaratë shtypi gjatë ditës së sotme për të ridenoncuar aferën e Tunelit të Llogarasë.
Deklarata e plotë zëdhënëses së Antikorrupsionit në PD, Genta Vangjeli:
Dhjetëra denoncime dhe kallëzimi penal i Partisë Demokratike për tunelin e personalizuar të Llogarasë vazhdojnë të mos kenë asnjë pasojë ligjore.
Por koha tregoi se opozita kishte të drejtë.
Shqipëria trajtohet si pronë personale e Edi Ramës.
Fondet publike shkojnë në xhepat e pushtetit dhe klientëve të tij.
Kush tha se tuneli i Llogarasë kushtoi vetëm 200 milionë euro për ndërtim dhe 2 milionë euro për supervizim.
Më 23 maj 2025, Autoriteti Rrugor Shqiptar lidh një kontratë 4-vjeçare me ‘Gjoka Konstruksion’ dhe ‘4 AM’ sh.p.k.
Objekti: mirëmbajtja dhe operimi i Tunelit të Llogarasë.
Një tunel që u ka kushtuar shqiptarëve rreth 204 milionë euro.
Një tunel për të cilin qytetarët do të paguajnë nga 100 deri në 5 mijë lekë për çdo kalim.
Ky është realiteti i veprave të Edi Ramës.
Mbikëqyrja e punimeve iu besua ‘Net Group’ sh.p.k., kompani e lidhur me ish-drejtorin e ARRSH-së, Evis Berberin, dhe me ‘Hill International’.
Mesa duket, supervizimi nuk ka ekzistuar realisht.
Por pagesat kanë ekzistuar, dhe kanë qenë të majme.
Sipas dëshmive publike të ish-zv/kryeministrit Arben Ahmetaj, Hill International ka mbuluar shpenzimet për akomodime në hotele të Edi Ramës, Belinda Ballukut dhe Delina Ibrahimaj.
Ky është modeli i qeverisjes.
Vepra publike për xhepa privatë.
Partia Demokratike kërkon drejtësi.
Kërkon që drejtësia të provojë se nuk është nën urdhrat e Edi Ramës.
