Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Agron Malaj deputet në listat e PS-së/ Xhaxhai i një prej viktimave të 21 janarit mesazh Klosit: Keni gabuar me këtë zgjedhje!
b.zPërditësimi i fundit 11 Mars 2025, 22:45
Agron Malaj
TIRANË - Emri i kryebashkiakut të Matit, Agron Malaj i cili dha dorëheqjen nga posti këtë të martë, ka shkaktuar debate në emisionin "Real Story" nisur nga fakti se ai pritet të jetë kandidat për deputet në listat e PS-së për parlamentaret e 11 Majit.
Ka qënë Mark Nika, xhaxhai i Aleks Nikës, i vrarë më 21 janar 2011, ai i cili ka dërguar një mesazh në emision ku i kërkon gazetarit Sokol Balla ta pyesë në studio Sekretarin e Përgjithshëm të Partisë Socialiste Blendi Klosi, nëse Agron Malaj, ish-komandanti i “Grupit të Zjarrit” më 21 janar do kandidojë për deputet të Partisë Socialiste më 11 maj.
Ai thekson se nëse kjo gjë është e vërtetë, atëherë Partia Socialiste ka gabuar me këtë zgjedhje.
“Kam një masazh nga Mark Nika, që është xhaxhi i Aleks Nikës, vrarë më 21 janar 2011: Mirëmbrëma Sokol, mundësisht nëse mund ta pyesni z. Klosi se a është e vërtetë se Agron Malaj, ish-komandanti i “Grupit të Zjarrit” më 21 janar, a është kandidat për deputet i Partisë Socialiste, nëse po, thuajini se keni gabuar”,- ka thënë Gazetari Balla.
Në përgjigje të kësaj, Blendi Klosi tha se PS ka kërkuar që SPAK të zbardhë krimin shtetërore të 21 janarit, ku u vranë 4 protestues të pafajshëm, para godinës së kryeministrisë.
“Agron Malaj është kryetari i Bashkisë së Matit, i votuar dy herë nga populli i asaj krahine, ka kërkuar kandidimin dhe ka dhënë dorëheqjen. Nesër do marrë vendimin kryesia është një nga ata djemtë që ka qenë në 21 janar, për të cilët ai ka dhënë dëshmitë e tij, ka qene një ndër më të akuzuarit e Sali Berishës në 21 janar, për t’ia hedhur fajin. Të gjithë ne që ishim në 21 janar, së bashku me të ndjerin dhe familjarët e të ndjerit, ishim të akuzuar. Ka një histori që ka dëshmuar, në organet e drejtësisë, Unë e kuptoj edhe familjarët dhe shqetësimin e tyre. Është një nga kërkesat tona zbardhja e 21 janarit. Tani me sa duket, SPAK ,mbase edhe me provat e reja që ka marrë po bën dhe një vlerësim të fundëm”, tha ai.
