Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
POLITIKE
"Ajo doli nga kjo platformë", Rama në takimin me kandidatë e rinj për deputetë: Bora u bë e famshme se u bë meme si fillim
r.llPërditësimi i fundit 30 Shtator 2024, 20:58
bora muzhaqi, edi rama
TIRANË- Kryeministri Edi Rama ka mbajtur fjalimin e tij sot në takimin me kandidatë të rinj që duan të bëhen deputetë nën logon e PS, përmes platformës “Deputeti që duam”.
Teksa po fliste për kandidatët e rinj dhe cilësitë e tyre, Rama mori si shembull ministren Bora Muzhaqin të dalë nga kjo platformë, për të cilin tha se u bë fillimisht e famshme si meme. Ai iu drejtua të gjithë atyre që duan të bëhen pjesë e PS, se duhet të spikasin dhe se tani është momenti i tyre.
"Duhet betejë për të spikatur, platforma është mundësia dhe tani është koha për t’u spikatur, sepse si do të zgjedhim ne? Nuk janë të gjithë oratorë, ka nga ata që nuk flasin shumë, por bëjnë punë të mira për komitetit, sepse kjo është puna e deputetit. Spikatja do të thotë çfarë vlere të shtuar sjellë.
Bora u bë e famshme se u bë meme si fillim, sepse është një arenë e pamëshirshme dhe nuk e mëson dot si të qëndrosh, futesh në betejë apo të fitosh nëse nuk ke goditje, zhgënjimet. Duhet të keni parasysh që ju takon ju të spikasni tani. Duhet të sjellë me vete të tjerë, ky është thelbi, duhet të ketë fuqi që të sjellë dhe një numër të caktuar që i shtohet forcës së të gjithës. Dua t’u them se ky do të jetë një proces, dhe aplikimet do t’i mbajmë të hapura.", tha Rama ndër të tjera.
E folura në publik duket se nuk është një nga pikat më të forta të ministres Bora Muzhaqi. Shpesh herë ajo është bërë pjesë e mediave dhe e rrjetit për gafat që bën gjatë komunikimeve publike.
