Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
Akuzohet për korrupsion, Erion Veliaj 'feston' 1 vit prapa hekurave
PiranjatPërditësimi i fundit 10 Shkurt 2026, 13:36
Hetimi ndaj kryebashkiakut të Tiranës, Erion Veliaj, dhe bashkëshortes së tij, Ajola Xoxa, ka nisur rreth një vit më parë, kur Prokuroria e Posaçme (SPAK) intensifikoi veprimet hetimore.
SPAK ka kryer kontrolle në Bashkinë e Tiranës, në ambiente të dyshuara si të kontrolluara nga bashkëshortja e Veliajt, si dhe në banesën e çiftit, ku u siguruan prova të konsideruara të rëndësishme për hetimin.
Më 10 shkurt, gjatë inaugurimit të një kopshti, agjentët e SPAK iu dorëzuan Veliajt vendimin e arrestit me burg në zyrë. Hetimi ka përfshirë gjithashtu 18 persona fizikë dhe disa subjekte juridike, të cilët përballen me akuza për pastrim parash.
Gjyqi zhvillohet në Gjykatën e Posaçme kundër Korrupsionit dhe Krimit të Organizuar (GJKKO), me tre gjyqtarë të caktuar me short elektronik. Pritet që procesi të zgjasë, për shkak të numrit të madh të të pandehurve dhe dëshmive që do të merren parasysh.
Ka pasur gjithashtu debate mes SPAK dhe avokatëve të Veliajt për zvarritje të procesit, ndërsa pala mbrojtëse pretendon se nuk janë dëgjuar, SPAK thotë se të gjitha shkresat i janë dorëzuar.
Procesi pritet të jetë i gjatë dhe kompleks, ndërsa çdo i pandehur do të ketë mundësinë të paraqesë dëshmitë dhe argumentet e tij, duke përfshirë edhe mundësinë e gjykimit të shkurtuar.
