Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Ankimimi për masën e sigurisë nga Veliaj, caktohet data dhe ora për shqyrtimin
M.B.Përditësimi i fundit 5 Mars 2025, 12:55
TIRANA- Apeli i Gjykatës së Posaçme ka caktuar se ankimimi i kryebashkiakut të Tiranës, Erion Veliaj do të zhvillohet më datë 11 mars 2025, në orën 10:00. Veç Veliajt ankimim për masat e sigurisë është bërë edhe nga 4 biznesmenët, Elman Abule, Shkëlqim Fusha, Gentian Sula dhe Meriman Palushi teksa dhe për ta do të shqyrtohet në të njëjtën orë dhe ditë.
Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi "detyrim paraqitje".
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
