Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Pagat e 6500 mësuesve preken nga kategorizimi"/ Zhupa: Rroga ulet me 100 mijë lekë të vjetra! Ministria e Arsimit të tërhiqet
b.zPërditësimi i fundit 5 Mars 2025, 12:19
Ina Zhupa
TIRANË - Kryetarja e Komisionit për Edukimin dhe Mjetet e Informimit Publik, Ina Zhupa, ka folur këtë të mërkurë mbi pagat e mësuesve, dhe skemën e buxhetit të shtetit për këtë sektor.
Gjatë fjalës së saj në komision, Zhupa u shpreh se pagat e mësuesve të arsimit parauniveristar preken nga rikategorizimi i ri që është me grupet dhe ata që janë shkolluar para vitit 2020 preken me një masë rreth 100 mijë lekë të vjetra ulje të pagës së tyre.
“Ministria Manastirliu ka që në muajin qershor të vitit të kaluar që është ulur paga e grupit. Me zero pikë janë vlerësuar të gjithë mësuesit të cilëve u është ulur paga. Janë 6500 mësues që e kanë këtë ulje në gjithë Shqipërinë. Ne kërkojmë që të tërhiqeni nga kjo ulje që bëni bë kurriz të mësuesve. Shuma për buxhetin e shtetit është qesharake për të marr pagat e kategorisë mësuesit, nje pikë ujë në harxhimet e kota që bën qeveria, le ti marrin nga piranjat e oborrit të Ramës. Kurse shuma për xhepat e mësuesve është shumë e rendësishme prej 100 mijë lek te vjetra”,- deklaroi Zhupa.
Zhupa u shpreh më tej se mbështesin plotësisht kërkesat e sindikatës dhe ultimatumin e tyre për grevë, duke i bërë thirrje ministrisë së arsimit të tërhiqet, nga kjo ulje që sipas saj bie në kurrizin e mësuesve.
