Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
Arrestimi i Veliajt/ Rama 'lëshon' sërish kryebashkiakun: Dhimbja shumë e fortë, por s'ka rrugë tjetër! Ky është lidershipi i PS, për të bërë shtet
b.zPërditësimi i fundit 28 Shkurt 2025, 17:45
Edi Rama
TIRANË - Kryeministri Edi Rama, gjatë takimit të zhvilluar këtë pasdite me asambletë socialiste në Tiranë, u ndal edhe te arrestimi i kryebashkiakut Veliaj.
Rama e ka cilësuar ndër rreshta arrestimin e Veliajt, si një gabim të drejtësisë, ndërsa shprehet se drejtësia e pavarur sot është sipas tij falë Partisë Socialiste. Duke e 'dorëzuar' kryebashkiakun në duart e drejtësisë, Rama thotë se arrestimi i tij ka ndikimin e vet, por në fund të fundit ky është sipas tij lidershipi i PS për të bërë shtet.
"Ne kemi dorëzuar pushtetin e kontrollit mbi drejtësinë tek drejtësia dhe i kemi vënë në dizpozicion organizmi tonë politik për të operuar sipas vendimmarrjeve të veta. Patjetër që ka dhimbje. Gabime bëjnë të gjithë dhe ata bëjnë gabime. Është hall i madh se gabimet tona, nëse rruga shtrohet pa cilësinë e duhur është gabim shumë i madh por është një problem që kalon, por nëse dikush që ka një familje që goditet padrejtësisht shkatërrohet një jetë familjare. Dhimbja shumë e fortë por rrugë tjetër s'ka dhe ky është lidershipi i PS, për të bërë shtet",- u shpreh kreu i qeverisë.
