Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"As nuk e diskutoj fare që do të jetë socialiste!" Rama: Nuk është e largët dita kur Shqipëria do të ketë gruan e parë kryeministre
M.B.Përditësimi i fundit 11 Prill 2025, 19:05
TIRANA- Kryeministri Edi Rama tha sot gjatë eventit “vajzat dhe gratë socialiste për Shqipërinë 2030”, se nuk është e largët dita kur Shqipëria do të ketë gruan e parë kryeministre. Ai theksoi se nuk e diskuton që kryeministrja e parë do të jetë socialiste. Rama shtoi se askush më parë nuk e ka luftuar korrupsionin dhe krimin siç e ka bërë PS dhe se arsyeja përse partia e tij është garancia më e madhe, janë gratë dhe vajzat.
"Askush më parë nuk e ka luftuar korrupsionin dhe krimin siç e kemi bërë ne. Arsyeja përse ne jemi të pathyeshëm dhe garancia më e madhe, jeni dhe bëheni ju gratë dhe vajzat e armatës tonë fitimtare. Shifra më e bukur është 52 % kuptimplotë në listën e mbyllur. Unë kam besuar që hendekun asburd mes kampeve politike këtu në Shqipëri, trashëguar nga e kaluara, mund ta ngushtojnë vetëm gratë dhe vajzat.
Dua të falënderoj edhe njëherë forumin Rinor të PD të Vlorës, ku pikërisht një vajzë, kryetarja e Forumit që në 2021 na e ka bërë malore garën në Vlorën dhe po ashtu edhe Sara bënë një hap shumë kurajoz, për ta vënë Vlorën dhe Shqipërinë në BE mbi kënetën dhe sigurisht edhe veten e tyre duke e braktisur kënetën, që praktikisht u mbytën në mënyrën më të pabesë të gjithë fituesit e farsës së Primareve. Sot Kuvendi i Shqipërisë drejtohet nga një grua socialiste dhe jam i bindur se nuk është e largët dita kur Shqipëria do të ketë gruan e parë kryeministre dhe as nuk e diskutoj fare që do të jetë socialiste”, tha Rama.
