Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Bardhi takim me strukturat e PD-së në Fier: Qytetarët u përballën gjatë gjithë këtyre viteve me arrogancën, varfërinë dhe korrupsionin në çdo sektor!
n.fPërditësimi i fundit 14 Shtator 2024, 18:29
Takimi
FIER- Kreu i Grupit Parlamentar të Partisë Demokratike, Gazment Bardhi ditën e sotme ka nisur takimet si drejtuesi i qarkut të Fierit. Bardhi gjatë takimit ishte i shoqëruar nga deputetët Flamur Noka dhe Luan Baçi ku u takuan me strukturat e degës së PD në Fier, si edhe qytetarët e zonës.
Bardhi për mes një postimi në llogarinë e tij në "Facebook" ka ndarë disa pamje nga takimi me demokratët ndërsa u shpreh se gjatë gjithë këtyre viteve qytetarët e këtij qarku janë përballur me arrogancën, varfërinë dhe korrupsionin në çdo sektor.
“Fieri ka qindra arsye për të mbështetur ndryshimin, por mbi të gjitha, se kurrë nuk ju kthye besimi i madh që i kanë dhënë ndër vite partisë në pushtet”, shprehet ai.
Postimi i plotë i Gazment Bardhit:
Fieri ishte ndalesa e parë në takimin prezantues me strukturat drejtuese të degës. I inkurajuar dhe falenderues nga mikëpritja dhe energjia që të gjithë së bashku të bëjmë më të mirën për Partinë Demokratike dhe për Shqipërinë.
Fieri ka qindra arsye për të mbështetur ndyshimin, por mbi të gjitha, se kurrë nuk ju kthye besimi i madh që i kanë dhënë ndër vite partisë në pushtet. Në vend të mirënjohjes, qytetarët e ndershëm e punëtorë të Fierit u përballën gjatë gjithë këtyre viteve me arrogancën, varfërinë dhe korrupsionin në çdo sektor.
