Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
POLITIKE
Basha: Mbështesim SPAK, GJKKO dhe BKH! Të gjithë flasim për korrupsionin, por nuk jemi njësoj
M.B.Përditësimi i fundit 10 Maj 2024, 11:44
Lulzim Basha
TIRANA- Kreu i Partisë Demokratike të vulës, Lulzim Basha përsëriti sot qëndrimin e PD në mbështetje të SPAK. Basha tha në Kuvendin Zgjedhor të degës 5 në Tiranë, ai kërkoi edhe njëherë votimin e amendamenteve të propozuara në Kuvendin e Shqipërisë se Partia Demokratike, ka qëndruar dhe qëndron jo thjesht me fjalë, por me fakte si ato që ndodhen të depozituara në Kuvendin e Shqipërisë, për fuqizimin e SPAK-ut.
Duke komentuar rezolutën anti-korrupsion të kryeministrit Rama, Basha tha se ato nuk janë gjë tjetër përveçse klithma para elektorale të këshilluar keq të konceptuara keq dhe të marketuara shumë dobët. Ai shtoi se tani të gjithë kemi kohë që flasim për korrupsionin, por jo të gjithë jenë njësoj, sipas Bashës.
“I tillë është edhe qëndrimi ynë i pakushtëzuar në mbështetje të drejtësisë, në mbështetje të SPAK, sepse është qëndrimi në mbështetje të shtetit të së drejtës. Prandaj Partia Demokratike, ka qëndruar dhe qëndron jo thjesht me fjalë, por me fakte si ato që ndodhen të depozituara në Kuvendin e Shqipërisë, për fuqizimin e SPAK-ut.
Forcim dhe jo dhe jo dobësim të institucioneve të drejtësisë, fuqizim institucioneve të drejtësisë, inkurajim i drejtësisë për të luftuar dhëmbë për dhëmbë korrupsionin politik, pavarësisht prej ngjyrave, pavarësisht prej emrave, ky është qëndrim i prerë, mbështetja jonë për SPAK, për GJKKO, për BKH, për drejtësinë. Rekordet e korrupsionit janë arritur me këtë kryeministër, janë arritur me këtë qeveri.
Tani të gjithë kemi kohë që flasim për korrupsionin, edhe ne edhe ata që flasin në emrin tonë e tundin flamurin tonë, por jo të gjithë jemi njësoj. Nuk mund të jesh kundër korrupsionit ditën, e kundër SPAK-ut natën. Kjo nuk është vetëm paqartësi politike, kjo është vrastare për interesat e demokratëve sepse është e rrezikshme për interesin publik. Prandaj bashkë me propozimet tona në Parlament për të fuqizuar SPAK-un, ndodhet edhe propozimi tjetër për të hequr imunitetin parlamentar. Ky është një qëndrim pa ekuivok, ky është një qëndrim që ndan ditën nga nata, fjalët nga veprat”, tha Basha.
