Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Benet mendo që nesër të japësh dorëheqjen", Berisha: Përgjakja është një nga krimet që Rama i ka bërë Shkodrës
r.llPërditësimi i fundit 18 Mars 2025, 21:44
sali berisha
SHKODËR- Kryetari i Partisë Demokratike, Sali Berisha tha në takimin e sotëm në Shkodër se banda e Bajrave ishin ato që vendosën Benet Becin në krye të bashkisë së Shkodrës.
Berisha përmendi gjatë fjalës së tij, masakrën e Dobraçit, ndërsa tha se përgjakja është një nga krimet që kryeministri Edi Rama i ka bërë Shkodrës.
Gjatë prezantimit të kandidatëve, Berisha tha se ish-kryebashkiaku Bardh Spahia u qëndroi besnikë qytetarëve të Shkodrës. Më tej e cilësoi Benet Becin, si kopja e "Lal vjedhësit" dhe tha se do t'i tregojë Shkodrës të vërtetat për të.
PJESË NGA FJALA E BERISHËS:
Qytetarë dhe qytetare, a nuk ishin autokolonat e blinduara të Bajrëve dhe Bajroviçëve ditën e zgjedhjeve që ushtruan terror mbi qytetin për të vendosur Benet Brajoviçin në bashkinë e Shkodrës? A nuk ishte masakra e Dobraçit masakra më e egër ku qytetarë të pafajshëm humbën jetën pak muaj më parë? Përgjakja e Shkodrës nuk është i vetmi krim që Edi Rama ka bërë ndaj qytetit. Përgjakja e Shkodrës është vepër e shëmtuar e të gjithë sistemit që ai vendosi në Shqipëri.
Por do i them këtu dy fjalë këtij Benet Brajoviçit: Benet, e more me autoblindat e Brajoviçëve mandatin e Bardh Spahiut, por ja ku është sot, ballëlartë, krenar dhe me një dallim.
Qytetarë dhe qytetare të Shkodrës, dallimi i tij është ky: Benet, Bardh Spahia u qëndroi besnikë qytetarëve të Shkodrës, i qëndroi besnik sojit të tij, të atit të tij, kurse ti Benet turpërove të parë dhe të mbrapmë dhe të garantosh që nuk do gëzosh atë mandat. Ndaj dhe sonte mendo mirë që nesër të japësh dorëheqjen.
Se unë, Sali Berisha, do t’i them Shkodrës të gjithë të vërtetat që ti ke në shpirtin tënd të zi. Ti je një Lal Vjedhës, kopja e tij. Miqtë e mi, Edi Rama, Shkodrën, të cilën mendoi ta sundojë me Brajoviçët, e injoroi. 12 vite, Shkodra dhe të gjitha qarqet e veriut, kanë pasur investime as sa një qytet i mesëm në zonat e tjera.
Kurrë ndonjëherë nuk ka pasur një pushtues të diskriminojë Shkodrën dhe veriun siç e ka diskriminuar Edi Rama. 12 vite, familjet shkodrane janë varfëruar në ekstrem. Shkodra është qyteti më i madh, më i zbrazur i Shqipërisë. As artin nuk e kurseu. Jo më larg se dje larguan nga puna drejtorin artistik të orkestrës simfonike të Shkodrës vetëm për arsye politike.
