Një seri manovrash janë përdorur nga Belinda Balluku, për të përfituar një vilë luksoze me pishinë në një...
POLITIKE
Berisha akuza Gonzatos: U përcjell ligjvënësve të BE-së propagandën e Ramës
PiranjatPërditësimi i fundit 25 Nëntor 2025, 13:42
Kreu i PD-së, Sali Berisha ka deklaruar se opozita është para disa sulmeve, sipas tij nga individëve të caktuar që përfaqësojnë në Shqipëri BE.
Berisha akuzoi ambasadorin e BE-së, Silvio Gonzato, që sipas tij i thotë deputetëve të PE se ‘kreu i PD nuk është pro perëndimor, ka axhendë MAGA-ën dhe jo integrimin’.
Berisha tha se Gonzato u përcjell ligjvënësve evropiane propagandën e Edi Ramës. Ai thekson se “PD ka qenë dhe mbetet absolutisht e përkushtuar në procesin e integrimit”.
“Opozita ndodhet para disa sulmeve të targetuara të individëve të caktuar që janë në Komisionin Europian ose që përfaqësojnë në Shqipëri, Bashkimin Europian.
Të ngjashme, por jo identike me qëndrimet e zonjës Kos janë qëndrimet e ambasadorit Gonzato, i cili është një përçues i propagandës së paguar të Edi Ramës dhe i dezinformimit të papërmbajtur.
Lidhur me këtë të fundit, unë u kam informuar ju se ky zotëri, për të përcjellë propagandën e Edi Ramës, u thotë deputetëve të Parlamentit Europian se kryetari i PD nuk është pro-perëndimor pasi axhenda e tij është MAGA dhe jo integrimi”, deklaroi Sali Berisha, i cili hodhi poshtë pretendimet e ambasadorit, duke akuzuar se “janë trillime dhe mashtrime”.
Fjala e Berishës:
"PD ka qenë dhe mbetet absolutisht e përkushtuar në procesin e integrimit.
Janë të gjitha integrimet e mëdha të Shqipërisë vepër e kësaj partie.
Kurse sa i përket mashtrimit se ai ka axhendë MAGA-n, MAGA si program i një partie konservatore, ka shtylla e shkëlqyera të mbrojtjes të vlerave që partitë konservatore ndajnë, dhe unë i rikujtoj atij zotërie, se nuk e di ku ka qenë ai 32 vjet më parë kur Sali Berisha ka vendosur në Shqipëri taksën e dytë më të ulët në botë, TVSH-në më të ulët në botë pas një vendi tjetër dhe sistemin fiskal më konservator, më të ulët.
Ka bërë gjithçka për konsolidimin e familjes, ka mbrojtur interesin kombëtar.
Pra, në qoftë se ka një konkordancë, ne jemi krenarë për vlerat që mbrojmë dhe nuk mundet kurrë asnjë njeri nga pozitat e ekstremizmit të majtë të bëjë gjah shtrigash kundër programit tonë.
Në rast se presidenti Donald Trump këto vlera po i mbron dhe po i konsolidon në SHBA, ky është interesi i mbarë njerëzimit.
Apo pas mashtrimit tjetër se Chris LaCivita ka sjellë këtu çekun 9 miliardë euro në rast se fiton Shqipëria për t’u shkëputur nga BE.
Shqiptarët duhet ta dinë se kjo është propagandë e Edi Ramës dhe është përcjellë në të gjitha nivelet në kancelaritë në Bruksel.
Këto janë shpifje të turpshme.
Përkundrazi, politika e SHBA ka qenë dhe është që Shqipëria të anëtarësohet në BE.
Por i theksova këto sepse janë fakte reale, janë të pamohueshme,
Dhe natyrisht në këtë mjedis, zonja Kos mund të bëjë çdo deklaratë, por nuk është e vetme zonja Kos. Jo!"
