Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Berisha akuza qeverisë: Banorët e prekur nga përmbytjet janë lënë në mëshirë të fatit
PiranjatPërditësimi i fundit 18 Nëntor 2025, 13:12
Kryetari i Partisë Demokratike, Sali Berisha gjatë një konference me gazetarë ka ngritur shqetësimin se banorët e prekur nga përmbytjet për shkak të motit janë lënë në mëshirë të fatit nga qeveria pa iu dhënë asnjë ndihmë.
“Qindra familje në Kurbin, Mat, Lezhë, Shkodër janë në mëshirën e fatit, kanë patur probleme nga vërshimet e lumenjve dhe ujërave dhe qeveria është në narkozë, asgjë ndihmë, asnjë mbështetje. I ka lënë njerëzit në mëshirën e natyrës dhe zotit të vetë. Këto shtrëngata u njoftuan nga stacionet meteorologjike më serioze të paktën një javë më parë. Pushteti i drogës dhe krimit nuk kanë marrë asnjë masë”, tha Berisha.
Kreu i PD-së tregoi se ka dërguar deputetët në zonat problematike për t’iu ardhur në ndihmë banorëve.
“Deputetët e PD, ndodhen në terren për të ndjekur situatën dhe nuk kanë mundësi përveçse sugjerime dhe këshilla. Mbrojtja civile, thuajse nuk ekziston fare në këto situata. Ndaj qytetarëve që po përjetojnë tmerret e përmbytjeve”, shtoi Berisha.
Berisha hodhi akuza kundër qeverisë se është e zënë me vjedhjet dhe nuk ka kohë për të zgjidhur problemet e qytetarëve që kërcënohen nga vërshimet e lumenjve për shkak të reshjeve me intensitet të lartë./Piranjat.al
