Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Xhaferri: Çiftet e reja zhyten 30 vite në kredi për një shtëpi, Rama pastron paratë e korrupsionit dhe narkotrafikut në ndërtim!
PiranjatPërditësimi i fundit 18 Nëntor 2025, 10:39
Në një reagim deputeti i PD, Besart Xhaferri shkruan se çiftet e reja do duhet të zhyten në 30 vite kredi për të blerë një shtëpi, kurse Edi Rama pastron paratë e narkotrafikut në ndërtim.
Reagimi
Edi Rama dhe zyrtarët e tij të korruptuar, pas 12 viteve në pushtet, janë kthyer në “magjistarë” imobiliarë, pasi blejnë prona në zemër të Tiranës me çmimin që kushton një m² në Çorovodë apo Burrel dhe më pas e shesin me çmimin sa kushton një m² në Londër apo Bruksel.
Për shkak të politikës së Edi Ramës për të pastruar para në ndërtim, një çift i ri duhet të zhytet në 30 vite kredi, pasi në objektin ku po blen shtëpinë e parë po pastrohen para nga ndonjë prej karteleve që në 11 maj u angazhuan të pamundësonin rrotacionin për llogari të Edi Ramës.
Për të luftuar fenomenin e pastrimit të parave në ndërtim, implementova në programin tonë elektoral projektin “Një çati për çdo çift të ri”, i cili parashikonte që çiftet e reja deri në 30 vjeç, në të gjithë Shqipërinë, të përfitonin subvencion për blerjen e banesës së parë.
Ky projekt do të implementohet kur ky vend të ketë një qeveri legjitime që rrjedh nga vota e qytetarëve.
