Kreu i grupit parlamentar të PD-së, Gazment Bardhi publikoi videon e deklaratës që kryeministri Rama pat bërë në mars 20...
POLITIKE
Berisha denoncon ‘Durana Tech Park’: Kthetrat e mafies shqiptare përvetësuan projektin! Kompania amerikane iku
PiranjatPërditësimi i fundit 12 Janar 2026, 13:01
Kryedemokrati Sali Berisha gjatë konferencës me gazetarët denoncoi publikisht skandalin e ri me projektin e ‘Durana Tech Park’, në Shkozet të Durrësit.
Berisha tregoi se një ndër kompanitë më të fuqishme amerikane shfaqi interes, por u gënjye nga Edi Rama dhe Ergys Agasi. Projekti sipas tij, u përvetësua nga mafia shqiptare e cila do të investojë aty ndërsa kompania amerikane u tërhoq nga investimi.
Pjesë nga fjala e Berishës:
“Sot jam këtu për superskandalin e ri, e denoncoi edhe Arben Ahmetaj. Jam këtu për parkun e shkozetit ‘Durana Tech Park’, një skandal i denjë për filmat më horror në gjininë e vjedhjeve të pasurive publike. Tre vite më parë, një nga gjigandët e Hi-Tech, vendosur në Ukrainë pas agresionit vendosi të spostojë sipërmarrjen e tij, dhe përzgjodhi Shqipërinë. Pronari i kësaj kompanie ndër më të fuqishmet në botë dhe pritet nga kreu i organizatës kriminale Edi Rama dhe Ergys Agasi.
Ai paraqiti projektin e tij, që kishte në Ukrainë ta investojë në Shqipëri. E vërteta është se kjo iu premtua, dhe se Rama filloi të flasë në Durrës, por menjëherë kthetrat e egra të mafies shqiptare përvetësuan projektin, kompania prestigjioze amerikane nuk gjeti asnjë mundësi të investonte në këtë vend. Ata panë se këtu është narko-mafia dhe si përfundim iku.
Në këtë zonë u regjistruan 46 kompani të cilësuara, “gold”, “platin”, që të gjitha këto kompani anëtare të këshillit të krijuar nga kryemafiozi i IT-së, Armand Frangu.
Ermal Beqiri me këshillin e krijuar kërkon të disiplinojë të gjitha kompanitë e sektorit dhe i rregjistroi ato anëtare të këshillit, me kuota 1000, 5000 etj.
Çfarë është “Troplanë”? Dihet se territori i Xhafzotaj është nën kthetrat e Troplinëve. Ata i paguajnë shtetit taksa 5 përqind por kjo është e papërfillshme, por taksat e vërteta ia paguajnë Edi Ramës dhe Ergys Agasit. Vidhen nga taksat e Shqiptarëve qindra miliona euro. Vranë konkurrencën dhe marrin tenderat e AKSHIT, dhe të gjitha institucioneve shtetërore. Janë vjedhur 130 milionë. Në rastin e “Troplanës”, në livadhet e Xhafzotaj, janë vjedhur qindra miliona euro nga familja Rama”.
