Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
Berisha: Edi Rama hoqi Policinë e Shtetit nga sallat e gjyqit, përgjegjës për vrasjen e gjyqtarit
PiranjatPërditësimi i fundit 8 Tetor 2025, 12:55
Kryedemokrati Sali Berisha, gjatë fjalës së tij në mbledhjen e Grupit Parlamentar të PD-së, tha se, narkoshteti shqiptar, sipas tij vrau gjykatësin në zyrën e tij, dhe se kryeministri Rama e kaloi sigurinë e gjykatave nga Policia e Shtetit tek Policia e 'Xhepit'.
Berisha përmendi ndër të tjera edhe një vendim të mëparshëm të datës 28.4.2010, i cili ngarkonte Policinë e Shtetit përgjegjëse për mbrojtjen dhe sigurimin e gjykatave, ku tha se me një tjetër vendim të Edi Ramës, më datë 08.07.2020, ky vendim u anulua.
Berisha: Mblidhemi sot pasi narkoshteti shqiptar vrau gjyqtarin në zyrën e tij. Kur them “narkoshteti”, natyrisht e kam të qartë që dorësi nuk ishte punonjësi i shtetit, por dorësi s’mund ta kryente kurrë aktin nëse shteti do ishte shtet dhe jo narkoshtet. Kurrë.
Salla e gjyqit supozohet të jetë vendi më i sigurt i shtetit, për vetë kompleksitetin e proceseve. Por në sallën e gjyqit u shkreh arma kundër një gjyqtari sikur të ishte në mes të rrugës, sikur të ishte në një shesh apo kafe, dhe jo në një institucion shtetëror.
Dua të informoj shqiptarët se me një vendim të datës 08.07.2020, Edi Rama ka anuluar vendimin e mëparshëm të datës 28.4.2010, i cili ngarkonte Policinë e Shtetit përgjegjëse për mbrojtjen dhe sigurimin e gjykatave.
Siguria e gjykatave dhe prokurorive ishte në dorë të Policisë së Shtetit, por Edi Rama e kalon këtë siguri nga Policia e Shtetit te “Policia e Xhepit”.
