Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Berisha: Edi Rama ka marrë një telefonatë me SkyEcc që ka dy net që e lë pa gjumë, një telefonatë nga McGonigal
E.DPërditësimi i fundit 15 Nëntor 2024, 19:56
TIRANË- Kreu i Partisë Demokratike, Sali Berisha gjatë fjalimit tij mbrëmjen e sotme u shpreh se kryeministri Edi Rama ka marrë një telefonatë me SkyEcc që ka dy net që e lë pa gjumë. Berisha gjithashtu tha se Rama priste telefonatë nga sivllau i tij, por Soros nuk po i përgjigjet telefonatave sepse, është i zënë në vendin e tij dhe pritet të japë llogari para kombit amerikan që ndëshkoi në mënyrë shembullore ‘wokizmin’ e tij.
"Miqtë e mi! Kësaj here, fatmirësisht edhe sivllau i tij, superspekullanti i botës, Aleksis Soros nuk po i përgjigjet telefonatave të tij. Nuk po i përgjigjet sepse, është i zënë vetë, në vendin e tij, pritet të japë llogari para kombit amerikan që ndëshkoi në mënyrë shembullore ‘wokizmin’ e tij, dëmet e mëdha publike që u bëri qytetarëve amerikanë, kjo monstër e njerëzimit.
Edi Rama, i cili me datën 6 do të shkruante se, ka punuar me përkushtim të madh me presidentin e 46 dhe do të përkujtojë me përkushtim të madh me presidentin e 47, ka marrë një telefonatë, por miqtë e mi, jo telefonatën që priste. Ka marrë një telefonatë me SkyEcc që ka dy net që e lë pa gjumë. Telefonata nuk i vinte nga e priste. Se tashmë kolonelit nuk ka kush ti shkruajë, por i vinte nga nuk e priste. I vinte nga McGonigali; Edi po të pres, se në qoftëse u dënova unë për rryshfet, rryshfetin ma dhe ti dhe ndaj këto vite burg do ti ndajmë bashkë," tha Berisha.
