"Sterilizimi"/ Vokshi: Mazhoranca nuk donte hetim, opozita do të bëjë kallëzime në SPAK! Kemi prova për Ramën, Vilma Nushin, Beqajn

albana vokshi

TIRANË- Deputetja e Partisë Demokratike, njëkohësisht kryetare e Komisionit Hetimor për Koncesionet e Sterilizimit dhe Shëndetësisë, Albana Vokshi në një deklaratë për mediat lidhur me punimet e komisionit. 

Vokshi akuzoi mazhorancën se që kur miratoi ngritjen e këtij komisioni, e kishte të qartë pengimin e hetimeve parlamentare. Deputetja demokrate shtoi se nga dëshmitë e kryera deri në përfundim janë mbledhur shumë fakte e prova, që do të shërbejnë për kallëzimin në SPAK të personave të përfshirë në koncesionet e "Sterilizimit" dhe "Check-Up".

Sipas saj shkeljet e rregullores dhe kushtetutës janë të panumërta, ku përmendi se nënkryetari i komisionit, Plarent Ndreca dhe deputetja e PS, Milva Ekonomi, janë në konflikt interesi prej lidhjeve me koncesionin e Sterilizimit.

DEKLARATA E PLOTË E VOKSHIT:

Të nderuar qytetarë, keni ndjekur, shumica prej jush me vëmendje, punimet e Komisionit hetimor për dy shërbimet publike në shëndetësi, Check up dhe sterilizim. Check up u kontraktua në 15 janar të vitit 2015, kompani koncesionare 3P Life ( me kompanitë përfituese Marketing and Distribution (80%) dhe Trimed (20%))

Sterilizimi i kontraktuar në 10 dhjetor 2015, firmosur nga Ministri i Shëndetësisë Ilir Beqaj, dhe shoqëria ‘SaniService’ sh.p.k., aksionerët e së cilës janë Investital LLC dhe kompanitë italiane ‘Servizi Italia’, ‘Tecnosanimed’ dhe ‘U.Jet S.r.l. 

Të dyja procedura me shkelje të rënda ligjore dhe pabarazi në pjesëmarrjen ne tender. I kemi denoncuar prej 10 vitesh, çdo ditë. I kemi kallëzuar pranë organeve hetimore. Kemi dëshmuar sa herë ka pasur nevojë si persona në dijeni të këtyre fakteve të rënda penale. Kemi qene persistentë, të vendosur për të zbardhur këto afera kriminale korruptive që i kanë kushtuar shqiptarëve deri më sot, mbi 200 mln EURO.

Kemi bërë betejat tona me protesta e mosbindje civile në parlament për të drejtat tona për të ngritur komisione hetimore një prej të cilave ai për dy shërbimet e sipërcituara. E mbani mend Edi Ramën që thoshte ta harrojnë, nuk ngrihen mbi bazën e thashethemeve etj…

Me Vendimin nr. 19, datë 21.03.2024, Kuvendi i Shqipërisë vendosi:

 ’1. Ngritjen e Komisionit Hetimor të Kuvendit për Shërbimin Publik të Sterilizimit dhe Shërbimin Publik të Check-Up në Shëndetësi’. 

 Në pikën VI të këtij vendimi është përcaktuar:

‘Komisioni Hetimor do të zhvillojë veprimtarinë e tij për një afat kohor 4-mujor nga data e miratimit të këtij vendimi.’. (veprimtaria deri datë 21 Korrik 2024). 

Që në mbledhjen e parë, të Komisionit, kam lexuar në emër të opozitës, planin e hetimit. Dhe në krye të tabelës së dëshmitarëve ka qenë Edi Rama, vijon… më tej me aksionerët dhe administratorët e kompanive koncesionare. 

Qartazi, opozita e ka kërkuar dhe e kishte kusht të panegociueshëm ardhjen e Edi Ramës në Komision pasi Edi Rama është ideuesi, porositësi, urdhëruesi, mbështetësi kryesor i tyre. 

Nuk ka qenë e lehtë, siç mund ta keni parë, orë të tëra luftë nervash, mbledhje me orë të gjata pa pushim. Pa kompromis. 

Përgjatë gjithë ecurisë së komisionit maxhoranca ka dëshmuar që nuk ka pasur kurrë vullnet që të bëjë hetim parlamentar. Shkeljet e rregullores dhe kushtetutës janë të panumërta e sot po përmend vetëm disa prej tyre:

1. Konflikti i interesit: NKR dhe znj. Konomi në konflikt. Refuzim të firmosjes së deklaratës

2. NKR i komisionit person I cili ka disa rekomandime nga KLSH (edhe kallzime) nën akuzë

3. mbledhja e 3-maxhoranca bojkoton, mbledhja e katërt-bojkoton, mbledhja e pestë-maxhoranca bojkoton, mbledhja e gjashtë-maxhoranca bojkoton, (në 10 mbledhje –maxhoranca bojkoton) (këtu duhet të vendoset një afat kohor sa dite ikën nga ky bojkot)

4. tentativë për të rrëmbyer procesin e votimit ( e paqartë kjo)

5. votim me firma në protokoll (as parë e as dëgjuar)

6. për dy muaj gati nuk firmosën dërgimin e shkresave për informacion (deputetët e opozitës kanë dërguar rreth 300 shkresa për informacion)

7. na është refuzuar informacioni nga institucionet dhe është dashur të ridërgohen shkresat si përshembull DPT , Fondi etj (duhet shtuar se nuk i mbaj mend)

8. 40 ditë dënuan 80% të deputetëve duke dëmtuar rëndë hetimin parlamentar

9. tentuan të uzurponin drejtimin dhe komisionin-me forcë. Besoj të gjithëve ju kujtohen pamjet kur garda që linte të lirë Beqajn-na pengonte për të hyrë, apo kur Plarent Ndreca niste komisionin kur kryetari ishte te dera e sallës së mbledhjeve. 

10. Në mbledhjet e thirrura e të drejtuara pa opozitën janë lejuar të dëshmojnë persona të padakordësuar, të pa vërtetuar që kishin lidhje me objektin e komisionit për të përjashtuar nga dëshmia ata që realisht kanë vjedhur paratë e shqiptarëve.

11. Ndërprerje të sinjalit të broadcast me urdhër të SP-pra administratë në shërbim të Partisë për të mohuar të drejtën shqiptarëve të marrin vesh të vërtetën e shëndetësisë falas.

Por, për deputetët e opozitës, interesi publik ishte më I madh se ai politik ndaj me vendosmëri vijuam hetimin parlamentar pavarësisht pengesave të panumërta dhe tentativës për minim,kjo sepse donim:

–  Transparencë

–   Evidentimin e personave përgjegjës që kanë kryer shkelje ligjore, të cilët do referohen në organin e akuzës

– Miratimin e propozimeve ligjore që këto koncesione të mos ndodhin më.

Nga check up nuk di të ketë përfituar njeri, përkundrazi ka shtuar koston, stresin jo vetëm te pacientët por edhe te mjeket dhe punonjësit e shëndetësisë të cilët janë të detyruar të punojnë për koncesionarin e si përfundim edhe të gjobiten nëse nuk kanë shërbyer sipas objektivave të vëna.

Nga sterilizimi nuk ka gjë më makabre sesa urdhrat e ministrave të shëndetësisë që të planifikohen operacionet ose të mos kryhen operacione në fund të muajit, sepse buxheti nuk e përballon dot. Por sëmundja shpesh nuk bashkëpunon!!

Pavarësisht ftesave tona për bashkëpunim, deputetët e maxhorancës u bënë mburojë e këtij korrupsioni e vepruan kundër interesit publik. 

Me më shumë se 200 milionë euro të koncesioneve në 10 vite do te kishim ngritur pagat e personelit mjekësor për t’i mbajtur këtu dhe për të patur një shërbim më të mire.

Do të kishim blerë pajisjet e duhura për t’u shërbyer njerëzve siç e meritojnë dhe siç u shërbehet në shumicën e vendeve përreth nesh.

Do kishim blerë 10 herë të gjitha pajisjet e sterilizimit, do të kishim ngritur dhjetëra spitale e QSH.

Dua së fundi të informoj:

Deputetët e opozitës e kanë bërë ‘follow the money’, kemi ndjekur paranë.

Kemi mjaftueshëm prova e fakte ndaj:

– Vilma Nushi/Ilir Rrapaj

– Ogerta Manastirlliu

– Ilir Beqaj (shtesë)

– Ish sekretarëve të përgjithshëm të MSH, MF

– Drejtorë e ish drejtorë të QSUT

– E për shumë të tjerë që do ju bëhen me dije ditët në vijim

Në këtë skemë nuk janë vetëm:

– Kompania GOGEL e Veliajt 

– Por është një rrjet i tërë kompanish të lidhura me Ortakët, funksionarë të maxhorancës, Ministrisë së Shëndetësisë dhe familjarë të tyre që kanë gllabëruar paratë publike.

Këto koncesione kanë ngritur një skemë të mirfilltë të një grupi të strukturuar kriminal, sot dua t’ju përmend vetëm një rast që të kuptoni përse Rilindja bllokoi dëshmitë e kërkuara nga ne:

Artan Lleshi për të gjithë ju një emër i panjohur, me profesion mjek.

I paguar me taksat tona për të shërbyer pranë Qendrës Shëndetësore Kamëz.

Ky individ punësohet nga Ilir Rrapaj në kompaninë SaniService me rrogë të majmë mbi 5000 euro në muaj, ku deri më sot vetëm pagë ka përfituar 500.000 euro.

Nuk mjaftohen me kaq, Artan Lleshi-n në 2020 vendosin ta bëjnë edhe biznesmen.

Gamaservice e Artanit përfiton nga SaniService 2.7 milion euro për shërbime që nuk dihen.

Hajdutëria nuk përfundon këtu por biznese regjistrojnë, motra dhe e bija e Artan Lleshi të cilat për etikë nuk po i përmend me emër por të dyja këto shtetase kanë përfituar mbi 1 milion euro pagesa vetëm nga SANISERVICE.

Në total shqiptarëve mjeku i cili paguhej për tu shërbyer ka përfituar nga Koncesioni i Sterilizimit 4.3 milion euro.

I kemi premtuar qytetarëve transparencë e do ta bëjmë për cdo qindarkë, ne jëmi të bindur që këto para nuk kanë përfunduar në xhepin e Artan Lleshit, i cili theu këmbën e nuk deshmoi në komision.

SPAK mundohet kot të amnistojë lekët e hajdutëve pasi shumë shpejt një kallëzim i ri penal do të depozitohet ku do jetë e analizuar në detaj skema financiare e zhdukjes të qindra milion eurove.

 Askush nga ata që bëri biznes me jetën e shqiptarëve, nuk do të gëzojë asnjë qindarkë të vjedhur.

albana vokshi komisioni per shendetesine koncesionet e sterilizimit dhe check up

albana vokshi komisioni per shendetesine

Artikuj te sugjeruar

M.B. POLITIKE 15 Nëntor14:46

BE ende pa vendim për heqjen e masave ndaj Kosovës, Stano: Çështja është duke u shqyrtuar në Këshill, do të vendoset nga vendet anëtare

BRUKSEL- Në Bashkimin Evropian vazhdojnë të thonë se masat ndëshkuese ndaj Kosovës, të vendosura në vitin 2023, jan&eu...

M.B. POLITIKE 15 Nëntor14:26

U mor 2 orë në pyetje në SPAK, Çyrbja: Nuk e kam patur kurrë aplikacion Sky Ecc, nuk jam unë ai që komunikoj me ata njerëz

TIRANA- Prokuroria e Posaçme ka marrë sot në pyetje ish-deputetin e Partisë Socialiste, Jurgis Çyrbja, i cili...

r.ll POLITIKE 15 Nëntor14:20

Asllan Dogjani pas daljes nga SPAK: U paraqita për kallëzimin që kam bërë lidhur me vjedhjen e pronës publike në Tiranë

asllan dogjani TIRANË- Deputeti i PD-së, Asllan Dogjani ka folur për mediat pas daljes nga Prokuroria e Posaçme.  Dogjani tha se...

M.B. POLITIKE 15 Nëntor14:11

"Duhet t'i përgjigjemi kohës!" Buxheti 2025 te Komisioni i Ligjeve/ KLGJ: Duhet godinë me qira për gjykatën e Apelit të Juridiskionit të Përgjithshëm! Çupi: Ju kemi llastuar!

TIRANA- Komisioni për Çështjet Ligjore, Administratën Publike dhe të Drejtat e Njeriut, ka zhvilluar sot mbledhjen e radhë...

ZH.LL POLITIKE 15 Nëntor14:06

Rama do kërkojë azil politik? Berisha: Të dhënat janë se ai ka parashikuar një ekzil diku sepse e di që do jetë ‘wanted’

Sali Berisha TIRANË- Kreu i opozitës, Sali Berisha ka komentuar për mundësinë që kryeministri Rama mund të kërkoj&e...

ZH.LL POLITIKE 15 Nëntor14:06

Berisha: Takimi me shqiptarët e Anglisë, të mobilizojmë sa më shumë diasporën në mbështetje të PD

Sali Berisha TIRANË- Kreyopozitari Sali Berisha foli për takimet që do të zhvillojnë drejtuesit e PD-së me diasporën p&e...

r.ll POLITIKE 15 Nëntor14:05

"120 mln euro gjobë e ka përfituar Becchetti", Berisha: Do konfiskohen sarajet e Surrelit dhe pasuritë e tjera të Ramës për të kompensuar sadopak këtë humbje

sali berisha TIRANË- Kryetari i Partisë Demokratike, Sali Berisha në konferencën me gazetarët ka komentuar edhe ekzekutimin e gjob...

M.B. POLITIKE 15 Nëntor13:51

"Anëtarët e opozitës të jenë më aktiv në rrjetet sociale!" Berisha: Këshilltarët bashkiakë që kanë votuar për rritjen e pagave, vepruan në kundërshtim me direktivat e PD

TIRANA- Kryetari i Partisë Demokratike, Sali Berisha tha sot se këshilltarë bashkiakë që kanë votuar për rritjen e rro...

M.B. POLITIKE 15 Nëntor13:51

"Fondacioni i tij do mbyllet njëherë e përgjithmonë në Shqipëri!" Berisha: E garantoj Alex Soros-in se në aktet e para ai do të shpallet "non-grata"!

TIRANA- Kreu i Partisë Demokratike, Sali Berisha, deklaroi sot se me ardhjen në pushtet të PD-së, në një ndër aktet e ...

ZH.LL POLITIKE 15 Nëntor13:33

Berisha: Rama do shpenzojë 430 milionë euro për investitorët strategjikë, kurse qytetarët fitojnë vetëm 4 euro për turist

Sali Berisha TIRANË- Kryedemokrati Sali Berisha në konferencën e tij të përjavshme me gazetarët ka drejtuar sërish akuza...