Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
Berisha: Elmar Brok na ndihmoi kur PS vodhi zgjedhjet e vitit 2001. Bashkë me të, e kthyem Shqipërinë në rrugën e duhur
b.zPërditësimi i fundit 14 Maj 2024, 21:20
Sali Berisha
TIRANË - Kryetari i Partisë Demokratike Sali Berisha duke folur në tubimin e përditshëm qytetar, ka përshëndetur ish-eurodeputetin gjerman i CDU-së,Elmar Brok, i cili ishte i pranishëm në tubim. Gjatë fjalës së tij Berisha deklaroi se Elmar Brok e ka ndihmuar opozitën, kur PS-ja vodhi zgjedhjet e vitit 2001. ‘Bashkë me të, ne e kthyem Shqipërinë në rrugën e duhur’, shtoi më tej Berisha.
Pjesë nga fjala e Berishës:
Të dashur miq, duhet të përshëndes këtu sonte praninë e kryetarit të Partisë së Lirisë, fjalën e tij dhe të gjithë oratorëve që folën këtu nga ky parlament i lirisë. Miqtë e mi, njohja ime, miqësia ime me Elmar Brok daton në përpjekjet tona më të fuqishme për integrimin e Shqipërisë në BE dhe NATO.
Unë kam kënaqësinë të informoj shqiptarët, se në një moment kritik për historinë e vendit, kur vota e shqiptarëve në vitin 2001, u rrëmbye, rezultati u përmbys, Shqipëria po vidhisej në honet e historisë, humbi rrugën evropiane të saj, bashkë me zotin Elmar Brok, me ndihmën e tij, ne rikthyem Shqipërinë në rrugën e duhur, në drejtimin e saj evropian. Do mbetet në analet e historisë ftesa dhe organizimi nga ana e tij të dëgjesës të partive politike shqiptare në Parlamentin Europian.
Rezoluta e këtij komisioni dhe parlamenti, që i kërkonin PS-së të mos zgjedhë presidentin me votën e vjedhur, se Parlamenti Europian nuk do ta njohë kurrë. Elmar Brok ishte protagonist i kësaj iniciative dhe për dijeninë tuaj, një hearing ishte organizuar vetëm një herë për Ahmet Masudin dhe herën e dytë për Sali Berishën dhe shqiptarët. Sot ai ndodhet midis nesh, por dëshiroj të shtroj disa pyetje para jush. Kush ka vjedhur votën e shqiptarëve? Kush ka vjedhur paratë e shqiptarëve? Kush ndërtoi në Shqipëri narkoshtetin? Kush i bllokoi Shqipërisë rrugën e integrimit? Kush i shpopulloi shqiptarët sa asnjë pushtim në histori? A kemi ne rrugë tjetër përveç rrugës evropiane, përveç integrimit të Shqipërisë në Europë si e ardhmja më e shkëlqyer?
