Momente tensioni u regjistruan gjatë ndeshjes mes Shqipërisë dhe Izraelit, menjëherë pas golit të shënuar nga skuadra mike. F...
POLITIKE
Berisha: Havzi Nela me vargjet e tij për të drejtat e njeriut, tronditi thellë regjimin! Këtë frymë e mishëroi si kushtrim lirie për shqiptarët
n.fPërditësimi i fundit 10 Gusht 2024, 21:20
Berisha
TIRANË- Kreu i Partisë Demokratike, Sali Berisha ka mbajtur fjalën e tij para mbështetësve të mbledhur poshtë ballkonit të tij. Gjatë fjalës së tij Berisha përkujtoi vrasjen e poetit Havzi Nela. Berisha u shpreh se Nela ishte me poezitë e tij, lajmëtari, ishte lajmëtari i fundit të diktaturës dhe përmbysjes së saj.
Kreu i PD-së shtoi se Nela me vargjet e tij për liritë dhe të drejtat e njeriut, me vargjet e tij për frymën e Helsinkit, tronditi thellë regjimin e vetëm në Europë që nuk kishte firmosur kartën e Helsinkit duke besuar se në këtë mënyrë do të shpëtonte prej frymës së saj.
Berisha shtoi se Havzi Nela këtë frymë e mishëroi në poezitë e tij të pavdekshme si kushtrim lirie për shqiptarët. Ai theksoi se poeti e dinte se diktatori, kryexhelati i regjimit dhe xhelatët e tjerë do ti merrnin jetën. Berisha tha se për atë më mirë i vdekur, se sa i gjallë në zgjedhën e egër të diktaturës komuniste.
Fjala e Berishes;
Mirëmbrëma dhe përshëndetjet më të përzemërta, ju misionareve dhe misionarëve të kauzës së drejtë, kauzës së lirisë, dinjitetit, votës së lirë të qytetarëve shqiptarë. Luftëtarëve të vendosur kundër formës më të egër, më ç’njerëzore të diktaturës së bazuar në bandat, krimin, drogën, vjedhjen e qytetarëve shqiptarë, diktatura e Edi Ramës. Të dashur miq!
Sot mbarë shqiptarët përulen me nderimin më të madh para veprës, kujtimit, shpirtit të pamposhtur, tribunit të vërtetë të lirive dhe të drejtave njerëzore, poetit disident, Havzi Nela, i cili 36 vite më parë me firmën e diktatorit të fundit komunist, Ramiz Alisë, me firmën e skulptorit xhelat të intelektualëve, Kristaq Rama u var publikisht në qytetin e Kukësit, vetëm një ditë para rënies së murit të Berlinit.
Varja me litar e martirit të fjalës së lirë, e guximtarit legjendë, e atdhetarit të flaktë, përbën një nga aktet më makabre të diktaturës komuniste në grahmat e fundit të saj. Havzi Nela ishte me poezitë e tij, lajmëtari, ishte lajmëtari i fundit të diktaturës dhe përmbysjes së saj. Ai me vargjet e tij për liritë dhe të drejtat e njeriut, me vargjet e tij për frymën e Helsinkit, tronditi thellë regjimin e vetëm në Europë që nuk kishte firmosur kartën e Helsinkit duke besuar se në këtë mënyrë do të shpëtonte prej frymës së saj.
Havzi Nela këtë frymë e mishëroi në poezitë e tij të pavdekshme si kushtrim lirie për shqiptarët. Ai e dinte se diktatori, kryexhelati i regjimit dhe xhelatët e tjerë do ti merrnin jetën. Por për atë më mirë i vdekur, se sa i gjallë në zgjedhën e egër të diktaturës komuniste. Havzi Nela u var, u përpoqën me të gjitha format ta damkosnin të përhapnin terrorin e varjes së tij, por sot ai dhe përjetë ndodhet në panteonin e lirisë së kombit shqiptar, kurse xhelatët e tij, Ramiz Aliaj, Kristaq Rama digjen në ferrin e turpit të krimit, të terrorit që i shkaktuan kombit të tyre dhe me të cilin urdhëruan varjen e poetit të pavdekshëm.
