Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
POLITIKE
Berisha i përgjigjet deklaratës së KLP-së: Ti zonja Bogdani që reagove sot, je një skllave e Vath Stakës dhe Altin Dumanit
n.fPërditësimi i fundit 11 Nëntor 2024, 20:54
Berisha
TIRANË- Kreu i Partisë Demokratike, Sali Berisha ka mbajti fjalën e tij para mbështetësve të tij. Ai gjatë fjalës së tij u shpreh se sot kryetarja e KLP-së, zonja Bogdani, e cila është kryetare e KLP-së ka bërë një komunikatë për deklaratat e fundit që janë bërë kundrejt sistemit të prokurorisë. Berisha tha se ky reagim ka ardhur pas sulmeve të cilat i ka cilësuar të ligjshme që ai me fakte, me dokumente kam bërë kundër Altin Dumanit. Më tej Berisha tha ata marrin rrogat më të larta në Ballkan dhe si gjakpirës tregtojnë me dosje krimi gjithë natën dhe ditën me vrasësit dhe trafikantët për t’u marrë ryshfete dhe gjoba.
Ai theksoi se ata prishin provat për lehtësuar krimet e tyre si dhe falsifikojnë dokumente. Berisha tha se në deklaratën e saj Bogdani, së pari duhet të siguroj çdo punonjës të institucioneve të Shqipërisë, që bëjnë punën me nder, që bëjnë punën me përkushtim. Ndërkohë Berisha theksoi se ajo është një skllave e Vath Stakës dhe Altin Dumanit.
Kush është ai që mbyll ty Edi Rama ndërtimin e sarajeve me oborr 8300 metra dhe gjatësi themelesh 57 metra? Kush është ai që mund të mbyllë grabitjen e kanionit të Gjipesë me 224 mijë metra katrorë tokë, krim që peshon sa shkëmbinjtë e kanionit mbi ty, hajdut? Edi Rama, kush të mbyll ty dosjen e 6 milionë metër katror tokë për narkotrafikantët dhe ministrat, ku besohet se ti je të paktën 30 përqind aksioner në çdo metër katror?
Po 38 mijë metër katror që me vulë dhe firmë i dhurove vëllaçko Olsit? Po tokën e pronarëve fisnikë që e lanë për shkollë në zemër të Tiranës dhe e more për pallat për mediat e tua me Bolinon tënd? Nuk t’i fal kush këto, nuk ka ligj dhe drejtësi në botë që t’i fal përveç Dumanëve të tu. Po ty dhe atij fundi do u vijë së shpejti. Të dashur miq, sot kryetarja e KLP-së, zonja Bogdani, e cila është kryetare e KLP-së, kandidatura e Arben Rakipit, e mafiozit, e kryemafiozit të Shkollës së Magjistraturës dhe xhelatit të Sigurimit të Shtetit, sot ka bërë një komunikatë pas sulmeve të ligjshme që unë me fakte, me dokumente kam bërë kundër Altin Dumanit, mercenarit të organizatës kriminale Skapi i partisë dhe BKH-së, kundër prokurorëve skapistë që i paguajnë qytetarët shqiptarë sa 70 pensionistë në muaj.
Që marrin rrogat më të larta në Ballkan dhe si gjakpirës tregtojnë me dosje krimi gjithë natën dhe ditën me vrasësit dhe trafikantët për t’u marrë ryshfete dhe gjoba. Për të falsifikuar dokumente dhe për t’i fshehur ato. Për të prishur provat dhe lehtësuar krimet e tyre. Zonja Bogdani, nuk të njoh dhe nuk e kam për mbarë që për njerëz që nuk i njoh, të flas. Por për deklaratën tënde, së pari duhet të siguroj çdo punonjës të institucioneve të Shqipërisë, që bëjnë punën me nder, që bëjnë punën me përkushtim, unë kam vetëm respekt dhe vetëm respekt. Por ti zonjë, që reagove sot, ti je skllave e Vath Stakës dhe Altin Dumanit.
