Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
‘Ministria dhe qeveria në interes të klientëve të saj’, Resuli: Buxheti asnjë rezultat për fermerët
I.APërditësimi i fundit 11 Nëntor 2024, 19:03
TIRANË- Eksperti për çështjet e bujqësisë dhe blegtorisë, Ervin Resuli ka deklaruar se mungesa e skemave mbështetëse dhe moszbatimi i detyrimeve ligjore nga institucionet rrezikojnë që t'i çojnë fermerët drejt falimentit. I ftuar në emisionin Task Force në Syri Tv, Resuli u shpreh se bujqësinë e ka vrarë mungesa e parave për fermerët, mungesa e vizionit për ta nxjerrë nga ky batak. Sipas Resulit, qeveria dhe ministria është kthyer në interesa të ngushta të klientëve të saj
"Nëse ne mbështesim vit për vit bujqësinë dhe blegtorinë, nuk do kishim çdo vit rënie të numrit të krerëve, rritje të importit të qumështit. Në 1997, bujqësia ka qenë minus, 2023 ka qenë viti i pas kaq vitesh me minus. Sot, bëjnë sikur e mbështesin bujqësinë dhe blegtorinë, por në fakt nuk kanë dhënë asnjë efekt dhe rezultat. Buxheti i ri nuk kishte ndryshim me këtë të vitit që po mbyllim. Jemi në nivelet mjerane në 10 vitet e fundit, pasi nuk i kalon 0.68%. Bujqësinë e ka vrarë mungesa e parave për fermerët, mungesa e vizionit për ta nxjerrë nga ky batak. I bie që qeveria dhe ministria është kthyer në interesa të ngushta të klientëve të saj," tha Resuli.
