Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Berisha lexon dokumentin: Sistemi TIMS nuk kontrollonte pasaportat e disa personave, me në krye Tedi Malaveci
r.llPërditësimi i fundit 8 Qershor 2024, 21:43
sali berisha
TIRANË- Kreu i Partisë Demokratike, Sali Berisha gjatë fjalimit të tij ka lexuar sonte një dokument të sistemit TIMS. Sipas tij ky sistem është manipuluar me qëllim që të mos lexojë hyrje e daljet e disa personave.
Berisha tha se dokumenti i drejtohet nga dy punonjës drejtorit të përgjithshëm të Policisë së Shtetit, Muhamet Rrumbullakut dhe mban datën 20.12.2023.
PJESË NGA FJALA E BERISHËS:
Do më lejoni t’u lexoj sonte para jush dhe shqiptarëve një dokument zyrtar. Ky dokument i drejtohet nga dy punonjës Çeliku dhe një tjetër, Kraca, drejtorit të përgjithshëm të Policisë së Shrtetit, drejtuesit madhor, Muhamet Rrumbullaku. Ka datën 20.12.2023.
Në këtë dokument shkruhet:
I nderuar zoti drejtor i përgjithshëm i Policisë së Shtetit.
Me qëllim përmirësimin e problematikës së hasur me datën 9.11.2023 me sistemin E-Gates dhe TIMS, me autorizimin tuaj erdhi zoti Neritan Maliqi, ish-punonjës i ICITAP dhe zhvillues i sistemit TIMS (është fjala kjo për vitin 2009). Gjatë hetimit të shkakut të mosfunksionimit të sistemeve u vu re se problematike gjenerohej në serverin TIMS, kodi i këtij servili ishte ndërruar pak ditë para datës 9.11.2023.
Duke u përpjekur të kuptohet ndryshimi i ndodhur, stafi i sektorit të sistemeve ktheu në kopje back-up të këtij serveri të datës 19.5.2023. Kopja e rikthyer u ekzaminua për të kuptuar mënyrën e funksionimit të këtij serveri, pasi departamenti i teknologjisë së informacionit, siç jeni vënë në dijeni edhe më parë. nuk disponon asnjë nga kodet e sigurisë të asnjërit prej sistemeve të sigurisë pasi nuk janë depozituar sipas procedurave standarde të punës. (Nuk janë depozituar sepse i janë dorëzuar kriminelëve).
Gjatë ekzaminimit të serverit të kthyer në back-up, u dallua se për një grup prej 5 dokumentesh udhëtimi të tipit pasaportë, sistemi nuk kryente kërkimin në TIMS-in kriminal. (E kuptoni që për këto pasaporta e kishin verbuar dhe shurdhuar sistemin me program). Duke sjellë kështu moskontrollin e tyre. (Sepse ishte dhënë komanda që duhen injoruar këto pasaporta).
Këto dokumente të injoruara u përkasin:
1.Tedi Malaveci, trafikant droge i dënuar në Roterdam vite të tëra, sot i emëruar nga Ulsi Manja dhe Edi Rama në krye të shërbimit kombëtar të përmbaruesve. 2.Aida Shuap Jaupllari. 3.Bruno Mario Veizaj, i gjithkudogjendshmi në çdo lloj krimi dixhital. 4.Nevila Cako Xoxa. 5.Lorela Shehu.
