Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
POLITIKE
Berisha nga Zagrebi: Klanet e drogës kanë marrë nën kontroll të dhënat e shqiptarëve
PiranjatPërditësimi i fundit 29 Prill 2026, 20:02
Kryetari i Partisë Demokratike, Sali Berisha ndodhet në Zagreb ku po merr pjesë në forumin e IDU-së, Bashkimit Demokrat Ndërkombëtar. Në një intervistë për mediat, ai ku ka theksuar se opozita shqiptare do të paraqesë shqetësimet kryesore që lidhen me situatën në Shqipëri dhe në rajon.
Berisha u shpreh se ky forum, që bashkon partitë e qendrës së djathtë nga e gjithë bota, përbën një mundësi të rëndësishme për të diskutuar me partnerët ndërkombëtarë çështje kyçe si siguria rajonale dhe procesi i integrimit europian.
Berisha shtoi se opozita do të adresojë gjithashtu çështje që lidhen me sigurinë, ekonominë dhe zhvillimet në rajon, duke i cilësuar ato si sfida madhore për vendin.
Në kuadër të forumit, ai bëri të ditur se ka zhvilluar takime me personalitete ndërkombëtare, përfshirë presidentin e IDU-së, Stephen Harper, si dhe përfaqësues të tjerë të lartë të politikës globale.
Prononcimi i plotë i kreut të PD, Sali Berisha:
Pyetje: Zoti Berisha, një forum treditor i cili ka një rëndësi shumë të madhe. Cili do të jetë le të themi, qëndrimi juaj dhe i Partisë Demokratike dhe ku do të do të jetë pikësynimi i gjithë mesazhit tuaj dhe i opozitës?
Sali Berisha: Po, ky është forumi i IDU-së, Bashkimit Demokrat Ndërkombëtar, organizatës që grupon partitë e qendrës së djathtë dhe të djathta të gjithë botës, organizatë e cila ka si parti kryesore udhëheqëse Partinë Republikane të Shteteve të Bashkuara të Amerikës, si partia më influente.
Ndërkohë, presidenti i saj është një nga krye, ish-kryeministrat më të shkëlqyer të Kanadasë, Stephen Harper, një mik i çmuar i opozitës shqiptare dhe i Shqipërisë.
Ne vijmë këtu në këtë forum botëror për të paraqitur problematikat e mëdha të Shqipërisë dhe rajonit në këndvështrimin tonë, për t'i debatuar dhe diskutuar këto probleme me aleatët tanë.
Probleme madhore që kanë të bëjnë me sigurinë në rajon, probleme madhore që kanë të bëjnë me procesin e integrimit të Shqipërisë në Bashkimin Europian, pengesat shumë serioze që Edi Rama me shndërrimin e Shqipërisë në një autokraci elektorale apo diktaturë autoritare, i ka bërë dhe i bën procesit të integrimit.
Me ndërtimin e narkoshtetit të parë dhe të vetëm në Europë, shkatërrimin ose dëmtimin e rëndë të ekonomisë shqiptare për shkak të zhvlerësimit dramatik të euros dhe dollarit, goditjes shumë të rëndë të eksporteve, prodhimit industrial, prodhimit bujqësor.
Pra, kemi, përveç faktit që dihet që klanet e drogës janë sot vendimmarrësit kryesorë dhe më të rëndësishëm, por ato, siç kanë faktuar zbulimet e fundit, ato arritën të kontrollojnë të gjithë internetin e Shqipërisë me të gjithë të dhënat e shqiptarëve. Kështu që në këtë aspekt përbëjnë një rrezik dhe kërcënim serioz për sigurinë jo vetëm të Shqipërisë, por dhe të rajonit dhe më gjerë.
Këtu ishte një pritje, kjo që regjistruat, pritja para fillimit të punimeve. Patëm rastin të takojmë personalitetet më kryesore, zëvendëskryeministrin e Kroacisë nga vendi organizator, mikpritës, presidentin e IDU-së, ish-kryeministrin e Kanadasë, Stephen Harper, sekretaren e Përgjithshme të IDU-së, miq të tjerë, Elmar Brok, një mik gjithmonë i Shqipërisë dhe i Partisë Demokratike, opozitës shqiptare, Kenny Endo, ish-kryeministrin e Irlandës, një nga kryeministrat më të suksesshëm në historinë e atij vendi, dhe shumë personalitete të tjera, të shkëmbejmë mendime shkurtimisht, të debatojmë, diskutojmë për zhvillimet në Shqipëri.
Mendoj se kjo pritje, ky koktej që u dha nga presidenti i IDU-së, ishte një rast shumë i mirë për ne për shkëmbim mendimesh me miqtë tanë, me partnerët tanë. Nesër vazhdon seanca, nesër, seancat.
Nesër kemi një panel që i kushtohet tërësisht Ballkanit, problematikave të mëdha të Ballkanit, qoftë në rrafshin e sigurisë, ashtu dhe në rrafshin e integrimit europian, ku janë disa pjesëmarrës nga vendet e Ballkanit dhe natyrisht aty do paraqesim rastin e Shqipërisë dhe problematikat e mëdha.
Por nesër gjithashtu debate në për çështje të tjera të sigurisë kibernetike, dhe pasnesër është mbledhja, është konferenca, është samiti i Byrosë Ekzekutive, në të cilën janë të pranishëm kryetarët e të gjitha partive të anëtare të IDU-së dhe sigurisht edhe aty Shqipëria, siç mund ta keni marrë vesh, është në rend dite nga çështjet më të rëndësishme.
