Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Berisha: Pa 44 protestat para bashkisë, Erion Veliaj do ishte duke marshuar drejt postit të kryetarit të PS!
n.fPërditësimi i fundit 11 Shkurt 2025, 14:42
TIRANË- Kreu i Partisë Demokratike, Sali Berisha ka zhvilluar një konferencë për mediat. Gjatë fjalës së tij Berisha foli në lidhje me arrestimin e Erion Veliaj. Berisha gjatë fjalës së tij u shpreh se nesë nuk do të ishin zhvilluar 44 protesta para bashkisë, Veliaj do ishte duke marshuar drejt postit të kryetarit të PS-së.
"Gjithçka është në shqyrtim. Një gjë do t’u them, pa ato 44 protesta para bashkisë, Erion Veliaj do ishte duke marshuar drejt postit të kryetarit të PS. Duhet të jemi realistë, t’u jap kredi qytetarëve, durimit të tyre," tha ai.
Berisha tha se e ka denoncuar me dhjetëra herë Veliaj ndërsa shtoi se kryebashkiaku shembte shtëpi se u thoshte se janë pronat e Klotilda Bushkës. Berisha tha se ajo është një kriminele më shumë se Veliaj dhe ata janë në grahmat e fundit.
"Po unë e kam denoncuar para se të dalë atë. E kam denoncuar me dhjetëra herë unë atë. E dini çfarë është kjo Bushka? U them unë ju. Kjo ngrihet vitin e mëparshëm në parlament dhe në një rast unik në histori, të ndaluar me Kushtetutë, propozon t’i shtohen 500 milonë lekë djegësit të Tiranë. Mirëpo Kushtetuta e lejon deputetin me kushtin që ai ta dorëzojë amendamentin, ta miratojë ose të shprehet Ministria e Financave.
Kurse zonja solli një amendament oral. E kam denoncuar me dhjetëra herë unë. Erion Veliaj shembte shtëpi se u thoshte se janë pronat e Klotilda Bushkës. Po, po, janë të dokumentuara të gjitha këto. Ajo është një kriminele më shumë se ai. Këta janë në grahmat e fundit ky parlament," tha Berisha.
