Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
POLITIKE
Berisha: Protesta e djeshme ishte vetëm fillimi i betejave! Rama të largohet
PiranjatPërditësimi i fundit 23 Dhjetor 2025, 13:16
Kryetari i PD-së, Sali Berisha paralajmëroi Edi Ramën se protesta e djeshme ishte vetëm fillimi i betejave që nuk do të ndalen deri në rrëzimin e tij nga qeveria.
Berisha e quajti narko-qeveri dhe drejtuesi i saj, Edi Rama duhet të largohet.
Pjesë nga fjala e Berishës:
"Mirëdita.
Së pari, dëshiroj të shpreh mirënjohjen më të thellë, nderimin më të madh për të gjithë ata qytetarë dhe qytetare, të rinj, të moshuar të Tiranës dhe mbarë Shqipërisë që mbushën dje bulevardin ‘Dëshmorët e Kombit’ në protestën më të fuqishme paqësore që mbahet mend ndonjëherë.
Që inauguruan dje me praninë e tyre misionin e ri të opozitës shqiptare, shpëtimin e demokracisë, shpëtimin e familjes shqiptare, shpëtimin e Shqipërisë.
Secili pjesëmarrës firmosi dje kontratën me demokracinë, me familjen dhe me Shqipërinë për t’u dalë zot gjer në fitoren e plotë dhe përfundimtare mbi këtë regjim.
Duhet t’i falënderoj për përmbajtjen e zemërimit dhe urrejtjes së tyre të pakufishme që kanë ndaj kësaj narkoqeverie.
Unë e kuptoj që ai ishte një mundim i veçantë, por kjo është një betejë në vazhdim.
Ky ishte një inaugurim me një rëndësi të jashtëzakonshme dhe mesazhin më të fuqishëm për Edi Ramën, narkoqeverinë e tij, ky mesazh përmblidhe me një fjalë të vetme: largohuni!
Largohuni!
Nuk mund të ketë fjalë që mund të shprehë ata që ndjej për ata qytetarë që erdhën, për atë disiplinë që treguan, për atë përkushtim që treguan."
