L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
POLITIKE
''Demokratët s’u bënë plaçkë tregu, qëndruan të pamposhtur''/ Berisha: Rama donte të korruptonte opozitën e të kapte kreun e saj!
PiranjatPërditësimi i fundit 18 Janar 2026, 19:20
Kryetari i Partisë Demokratike ka akuzuar kryeministrin Edi Rama se ka tentuar të korruptonte opozitën dhe për të kontrolluar kreun e saj.
Sipas tij, Rama ka lobuar edhe me George Sorosin për të minuar ndikimin e Sali Berishës, duke e mbajtur pa funksion për 8 vite.
“Secili nga ne, ka firmosur një akt madhor, në një kohë kur Edi Rama, në mënyrë më makabre kishte vendosur ta kapte tërësisht këtë opozitë, nga kreu, ta korruptonte, ta shndërronte në një fasadë opozitë, në një vegël të tijën, loboi me Xhorxh Sorosin, etj., kundër Sali Berishës që kishte 8 vite pa asnjë funksion”, tha ai.
Berisha shtoi se demokratët, pavarësisht privacioneve, mashtrimeve dhe shantazheve, nuk pranuan që idealet e tyre të tregtoheshin dhe të bëheshin plaçke tregu.
“Pavarësisht nga privacionet, mashtrimet, shantazhet që bëheshin ndaj jush. Ju nuk pranuat, që idealet tuaja, të dinjitetit, lirisë të tregtoheshin, të bëheshin plaçke tregu”, tha Berisha.
Sali Berisha: Partia Demokratike është parti që ndau epokat, është parti që ndau sistemet, është parti e interesit kombëtar. Për një moment, çështja kombëtare shqiptare në një moment kishte ardhur si një çështje e tradhëtuar, kurse ne guxuam që në themelimin e kësaj partie të shpallim çështjen kombëtare si yllin polar të PD.
Të shpallim dinjitetin njerëzor dhe liritë e të drejtat e qytetarit si themelin e programit tonë. Ne u përmbajtëm. Askush, përveç nesh nuk donte që të merreshim me çështjen kombëtare, por ne e morëm dhe e vumë atë të parën, se pa interes kombëtar nuk ka dhe nuk mund të ketë kurrë, as zhvillim dhe as njerëz të qytetëruar. Dhe e vërteta është se, pikërisht ne, kemi të gen, se mbrojmë interesin kombëtar dhe mbrojmë dinjitetin njerëzor, ne ngrihemi sa herë të rrëzohemi, ne ngrihemi fuqishëm, ne nuk mposhtemi kurrë.
Secili nga ne, ka firmosur një akt madhor, në një kohë kur Edi Rama, në mënyrë më makabre kishte vendosur ta kapte tërësisht këtë opozitë, nga kreu, ta korruptonte, ta shndërronte në një fasadë opozitë, në një vegël të tijën, loboi me Xhorxh Sorosin, etj., kundër Sali Berishës që kishte 8 vite pa asnjë funksion. Dhe kjo, vetëm e vëtëm të shuante zërin e vërtetë të opozitës.
Ju, njerëz të idealeve, në një moment kritik bëtë një zgjedhje epike. Ju u rreshtuat me të vërtetën, pavarësisht se kush qendronte në krahun tjetër. Pavarësisht nga privacionet, mashtrimet, shantazhet që bëheshin ndaj jush. Ju nuk pranuat, që idealet tuaja, të dinjitetit, lirisë të tregëtoheshin, të bëheshin plaçke tregu. Ndaj dhe, haptas, me ballin lartë dhe me kurajë pranuat të hyni në kalvarin më të pamerituar, por qendruat të pamposhtur.
