Volodymyr Zelensky ka bërë thirrje për një takim ballë për ballë midis tij dhe Vladimir Putinit në një përpj...
POLITIKE
Berisha: Rama është në panik dhe pa shpresë! Shqipëria e zhytur në skandale korrupsioni dhe rritje të varfërisë
PiranjatPërditësimi i fundit 25 Prill 2026, 12:50
Edhe këtë të shtunë, lideri demokrat Sali Berisha zhvilloi një bashkëbisedim me qytetarët në rrjetet sociale.
Në nisje të tij, Berisha theksoi se sot, Rama është në gjendje paniku dhe i pa shpresë. Ndërsa theksoi se si pasojë, Shqipëria është e zhytur në skandale me përmasa Europiane, korrupsion dhe rritje të varfërisë.
Pjesë nga bashkëbisedimi me qytetarët:
Sot Edi Rama është në një panik të vërtetë, e konsideron veten, në fakt ashtu siç është, pashpresë, por ndërkohë bën gjithçka për t'u mbajtur në fijen e barit. Ju e konstatoni e shihni se skandalet e tij kanë marrë dheun. Janë bërë europiane dhe botërore. Vjedhjet e tij dhe plaçka e pasurive publike nuk ka të ndalur.
Qëndrimi i tij ndaj shqiptarëve në një kohë të vështirë kur çmimet po rriten për shkak të krizës së krijuar nga lufta në Lindjen e Mesme, në Shqipëri godasin masivisht shqiptarët, por Shqipëria është vendi i vetëm në Evropë që de facto nuk ka marrë asnjë masë lehtësuese. Miliardat që inkasohen nga rritja e TVSH-së dhe që u merren nga xhepat e shqiptarëve po rriten gjithnjë e më shumë.
Ndërkohë fermerëve shqiptarë ju hiqet edhe subvencioni i naftës që kishin. Pra, një indiferencë totale e tij ndaj fermerëve, një indiferencë e madhe ndaj pensionistëve, ndaj atyre të cilët nuk mjekohen dot me pensionin që marrin as 15 ditë në muaj. Indiferencë totale ndaj atyre që janë në ndihmë ekonomike dhe që u thuhet të jetojnë me 34 euro në muaj.
Një indiferencë totale ndaj të gjithë atyre që përdorin transportin publik, asnjë subvencion, ndërkohë kompanitë kanë përgjysmuar përdorimin e autobusave për shkak të krizës.
