Një sherr i dhunshëm është shënuar rreth orës 23.00 të së premtes në lagjen nr. 3 të qytetit të Sarand&eu...
POLITIKE
Berisha: Rama të japë dorëheqje të menjëhershme, përndryshe do përballet me opozitën dhe mbarë popullin shqiptar
PiranjatPërditësimi i fundit 26 Shkurt 2026, 21:14
Kryetari i Partia Demokratike e Shqipërisë, Sali Berisha, ka reaguar me një videomesazh pas ndryshimeve të fundit në qeveri të ndërmarra nga kryeministri Edi Rama.
Në Facebook, Berisha e cilësoi ristrukturimin e kabinetit si një përpjekje të Ramës për “të shpëtuar lëkurën e tij”, duke theksuar se dorëheqja e kryeministrit është, sipas opozitës, e vetmja zgjidhje e pranueshme.
Postimi i plotë:
Kjo është lëvizja e Edi Ramës për të shpëtuar lëkurën e tij. Dorëheqja e tij është zgjidhja e vetme që pranon opozita!
Lëvizja e fundit e Edi Ramës është një lëvizje me të cilën kërkon të shpëtojë lëkurën e tij. Por është një lëvizje, e cila fton qytetarët shqiptarë, opozitën shqiptare të vazhdojë fuqishëm protestat, pasi kryengritja paqësore e shqiptarëve synon, ka si qëllim kryesor madhor shpëtimim e Shqipërisë nga Edi Rama dhe jo-kukullat e tij.
Me lëvizjen e tij, ai përpiqet të mashtrojë njerëzit, në një kohë kur ai vet është kreu i organizatës kriminale që drejton. Ndaj dhe, i kërkoj dorëheqjen e tij të menjëhershme, përndryshe do përballet me opozitën dhe mbarë popullin shqiptar.
Edi Rama, nuk ka më pranverë për qeverinë tënde dhe për ty. Je shkaku i të gjitha problemeve të mëdha me të cilat përballet sot shqiptarët. Je mater matrix e kësaj të keqe të madhe që ka kapluar qënien, shpirtin, trupin e Shqipërisë.
