Deputeti demokrat Belind Këlliçi ka reaguar pas deklaratave të ish-zëvendëskryeministrit Arben Ahmetaj lidhur me kompaninë...
POLITIKE
“Punon ti, sekretarja dhe roja”, çfarë i tha Rama Elisa Spiropalit para shkarkimit
PiranjatPërditësimi i fundit 26 Shkurt 2026, 20:45
S’ka zgjatur as 5 muaj Elisa Spiropali në krye të Ministrisë së Jashtme, një nga eksperiencat më të shkurtra në drejtimin e diplomacisë, që nisi shtatorin e vitit të kaluar, kur socialistët sapo kishin fituar mandatin e katërt.
Nuk dihet se ku gaboi Spiropali këto muaj, por pak javë më parë, Rama e kishte shprehur pakënaqësinë e tij duke e quajtur një dështim drejtimin e ministrisë së jashtme.
Në një nga mbledhjet e grupit parlamentar të PS, në 16 Janar, kryeministri i tha se në dikasterin që drejtonte ajo duket sikur punoin vetëm 3 veta: ministrja, sekretarja dhe roja.
“Sa i përket ligjit për diplomacinë publike. Ministria e Jashtme është si Televizioni Publik Shqiptar. Është një tjetër dështim i madh i yni. E kam thënë dhe po e them. Nuk është një institucion në funksion të këtyre sfidave sepse nuk është reformuar asnjëherë. Edhe një ligj që e bëmë nuk ishte ligj apo reformë, ishte tualet.
Makijazh! Ligji duhet të hapë rrugën për reformë, për të futur ajrin e pastër. Shqipëria ka sot njerëz plot jashtë në diasporë. Diaspora është pjesë e elektoratit të rëndësishme. Gradat janë marrë peng nga spikerat e politikës së jashtme të televizionit, as televizion nuk është se ata as nuk dalin.
Sa herë shkoj në atë ministri, më duket sikur atje është vetëm ministri, sekretarja dhe roja”, i tha Rama Spiropalit që sot e gjen veten jashtë kabinetit qeveritar dhe është zëvëndësuar nga Ferit Hoxha.
