Një situatë e rëndë me mbetjet urbane është denoncuar në fshatin Molisht të Beratit.
Pamjet e mbërritura në...
POLITIKE
Korrupsioni dhe krimi në majat e pushtetit/ Zhulali zbulon 3 piketat që BE i ka vendosur Edi Ramës
PiranjatPërditësimi i fundit 26 Shkurt 2026, 19:51
Ekspertja e marrëdhënieve ndërkombëtare, Ilda Zhulali, deklaroi në emisionin “Task Forcë” në SYRI TV se mesazhet e fundit nga Bashkimi Evropian për kryeministrin Edi Rama janë të drejtpërdrejta dhe të strukturuara në tre piketa thelbësore.
Sipas saj, Brukseli flet hapur për ekzistencën e strukturave të organizuara korruptive të lidhura me krimin, që kanë depërtuar deri në majat e pushtetit në Shqipëri, duke e konsideruar rastin e Belinda Ballukus si ilustrim domethënës të këtij realiteti. Zhulali theksoi se përgjegjësia politike për këtë piramidë pushteti bie në fund tek kreu i qeverisë, ndërsa brenda mazhorancës shfaqen gjithnjë e më qartë edhe çarje dhe lëvizje të brendshme.
Ilda Zhulali: Ata i kanë vendosur tre piketa kryesore Edi Ramës që përmbledhin shumë shkurt, por shumë qartë. E para, në Shqipëri kanë thënë që ka struktura korrupsioni dhe krim të organizuar që kanë arritur majat e pushtetit. Kjo është thënë në ligjëratë të drejtë. Pra nuk është thënë për individë të korruptuar aty-këtu, por është thënë strukturë korruptive e lidhur me krimin e organizuar që kanë arritur majat e pushtetit.
Rasti i Belinda Ballukut merret si një nga ilustrimet, ka dhe raste të tjera por merret drejtpërdrejtë me ilustrimin e këtij... Konsiderohet ilustrim i të dyjave bashkë: edhe i strukturës korruptive por edhe lidhjet me krimin e organizuar. Dhe fjalia e tretë më e rëndë që ka marrë Edi Rama, është që këto struktura duhet të kenë elementë shtesë për të cilin nuk kemi folur shumë, që janë edhe çarjet brenda grupit të PS dhe po ashtu që e preku sot këtë element ku tha që më kanë ardhur disa shokë të partisë.
Ka edhe një lëvizje aty aty brenda sepse ai mban qëndrime të ndryshme. Ata e lidhin me emra të përveçëm brenda grupit, por në fund fare është ai personi që është i lidhur me të gjithë së bashku, dhe me personat që kanë përfunduar në burg edhe të tjerët që janë në listë dhe presin radhën. Por ai është koha e të gjithë kësaj piramide që është një strukturë e organizuar korruptive dhe e lidhur me krimin. Kështu e ka cilësuar jo më larg sesa sot, vetë Bashkimi Evropian.
