Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
POLITIKE
Berisha: Ramës i është thënë se mund të zhbëhet i gjithë procesi i integrimit! Raporti i PE, mbështetje për opozitën e shqiptarët
PiranjatPërditësimi i fundit 9 Maj 2026, 12:55
Kryetari i PD, Sali Berisha paralajmëroi për zhbërjen e të gjithë procesit të integrimit, gjë që sipas tij është njoftuar edhe vetë kryeministri Edi Rama.
Në komunikimin online me qytetarët në rrjetet sociale, Berisha tha se raporti i Parlamentit Europian është një mbështetje e madhe për opozitën dhe shqiptarët në veçanti.
‘Ky raport bën diagnozën e problemeve madhore të krijuara nga Rama, Balluku dhe hajdutët e tjerë në Shqipëri’, u shpreh Berisha.
Albanian Americans:Doktor, Rama tha se nuk është e vërtetë se negociatat me BE janë bllokuar. Nuk po e marrim vesh, këndej BE nxjerr raportin ku i cilëson këta hajdutë e kaluar hajdutit, këtej vazhdon negociatat. Nuk merren vesh edhe këta zyrtarët e BE, si mund të ulesh në një tryezë me një hajdut që vjedh popullin e tij?
Sali Berisha:Tani, cili është realiteti? E vërteta është, i dashur mik, raporti i Komisionit të Jashtëm të Parlamentit Europian. Ai raport ka një histori, e cila bazohet në qëmtimin, në verifikimin e të vërtetave në vend nga një komision faktmbledhës që erdhi në Shqipëri me kërkesën e opozitës shqiptare.
Unë duhet të informoj shqiptarët se mund t’u duket çudi, por një nga vështirësitë serioze tonat në diskutimet tona me miq dhe partnerë është se kur ne tregojmë ndodhitë në Shqipëri, ata na i besojnë, por na thonë se këto duken të pabesueshme.
Ne i kishim paraqitur këto në Parlamentin Europian, ne i kishim paraqitur këto në të gjitha forumet e organizatave tona, por siç e patë ju, Parlamenti Europian vendosi të sjellë një mision faktmbledhës të përbërë nga deputetë të 9 grupeve parlamentare që formojnë këtë parlament.
Partia Popullore Europiane solli një mision faktmbledhës të përbërë nga përfaqësuesit e 30 partive të qendrës së djathtë në Europë.
Pra, gjërat u konstatuan në vend dhe unë mund t’u them se në atë raport, që ju e cilësoni me të drejtë dhe që është radiografia reale e situatës në Shqipëri, janë bërë 300 e sa ndërhyrje dhe amendime.
Keni të drejtë. Raporti konstaton një mori të pafundme problemesh që ekzistojnë dhe bën thirrje të adresohen.
Përndryshe, mosadresimi i tyre ka pastaj raport tjetër në të cilin i thuhet që të ndërpritet të gjitha bashkëpunimet me Shqipërinë.
Dhe unë u them se është konsideruar. Edi Ramës i është thënë se një variant është të zhbëjmë të gjithë procesin e integrimit që nga fillimi me Shqipërinë.
Por ky variant është rezervë, nuk është vënë menjëherë në lëvizje.
Është vënë ky raport, i cili përfaqëson Parlamentin Europian.
Ky raport do të kalojë në seancë plenare në qershor dhe ky raport është një mbështetje e fuqishme për popullin shqiptar, për qytetarët shqiptarë dhe opozitën shqiptare në rrugën e integrimit.
Ky raport bën diagnozën e problemeve madhore të krijuara nga Rama, Balluku dhe hajdutët e tjerë në Shqipëri.
