Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Berisha: Shqipëria ka humbur miliarda, Altin Troplini u krenua se ka sekuestruar 60 milionë euro, aq i ka vetëm familja Xhafaj
PiranjatPërditësimi i fundit 15 Tetor 2025, 13:41
Kreu i Partisë Demokratike, Sali Berisha ka shpërthyer në akuza ndaj qeverisë dhe institucioneve të drejtësisë, duke i cilësuar ato si të përfshira në abuzime dhe korrupsion të shfrenuar, ku dhe foli edhe për punimet e komisioneve parlamentare, që, sipas tij, përfaqësuesit e qeverisë dhe drejtësisë u shfaqën të papërgjegjshëm dhe të lidhur me krimin dhe korrupsionin.
"Një herë dua të falënderoj të gjithë deputetët për angazhimin e tyre, civilitetin që dëshmuan, angazhimin në pyetje, siç ishte rregullorja, dhe autopsinë që i bënë jo vetëm institucioneve të dështuara të reformës të drejtësisë të narkoshtetit, por edhe përfaqësuesve të qeverisë në ato komisione," tha Berisha.
Berisha vijoi me akzuat ndaj Ulsi Manjës dhe Fatmir Xhafës, duke i quajtur ata "mjeranë" dhe "të implikuar në afera të ndryshme", sipas tij, ata janë të lidhur me krimin dhe korrupsionin.
"Ju e patë si mëkatarët, që të gjithë të implikuar në afera të ndryshme, qëndronin si mjeranë para drejtuesve të organeve të drejtësisë," u shpreh Berisha.
Lideri i opzoitës, përmendi edhe humbjen e 630 milionë eurove nga kompania çeke CEZ dhe dëmin e shkaktuar nga marrëveshjet e dëmshme që qeveria ka lidhur në emër të interesave të saj personale.
"Ku janë 1 miliardë euro të humbura, taksa tuajat? 630 milionë euro janë borxhet që kompania çeke CEZ iu kishte shqiptarëve, me fatura të vërtetuara nga kompani ndërkombëtare auditi," tha Berisha.
Ai gjithashtu përmendi kontratat dhe marrëveshjet e dyshimta me kompanitë private, duke përfshirë tunelin e Llogarasë dhe check-up-in.
Sipas Berishës, shumë prej këtyre parave janë vjedhur dhe janë transferuar në xhepat e disa individëve të lidhur me qeverinë dhe grupe të fuqishme.
