Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Marrëveshja Izrael-Hamas e iniciuar nga Trump, Berisha: U kalua në heshtje varri nga Kim Jong Un i Koresë së Veriut, Irani i Ajatollahëve dhe Tirana e Ramaduros
PiranjatPërditësimi i fundit 15 Tetor 2025, 13:32
Kryedemokrati Sali Berisha, në një deklaratë për mediat nga mbledhja e Grupit të PD-së, ka reagruar ndaj heshtjes së qeverisë shqiptare për marrëveshjen e nënshkruar mes Izraelit dhe Hamasit, të konsideruar si një hap historik në marrëdhëniet diplomatike mes dy vendeve.
Berisha u shpreh se kjo marrëveshje, që ka marrë përshëndetje ndërkombëtare, është kaluar në heshtje nga qeveria shqiptare, duke e krahasuar qëndrimin e saj me atë të regjimeve autoritare.
"Këtë marrëveshje e kanë kaluar në heshtje varri Kim Jong Un i Koresë së Veriut, Irani i ajatollahëve dhe Tirana e Ramaduros," u shpreh Berisha.
Sipas tij, përpjekja e deputetit Tritan Shehu, për të përshëndetur marrëveshjen u anashkalua nga kryetari i Kuvendit.
"Kur në parlament, Tritan Shehu, me të drejtë e përshëndeti marrëveshjen, gjë që duhej ta bënte vetë kryetari i parlamentit, përgjigja e Taulant Ballës, zëdhënës i Ramës, ishte, ‘prit, se presidenti nuk ka shkuar ende në Jerusalem’," tha Berisha.
"Dënoj absolutisht dhe thellësisht këtë qëndrim ndaj një marrëveshjeje që e kanë përshëndetur edhe kundërshtarët më të mëdhenj të Donald Trump në SHBA. Kurse Shqipëria hesht, narkoshteti shqiptar hesht si fija e barit," përfundoi ai.
