L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
POLITIKE
Berisha tregon si ndaheshin tenderat në AKSHI: Në një vit 800 transaksione nga thesari i shtetit në xhepat e dy kompanive
PiranjatPërditësimi i fundit 16 Dhjetor 2025, 12:52
Kryedemokrati Sali Berisha gjatë një konference me gazetarët në selinë e PD-së foli për urdhër arrestet e lëshuara nga SPAK për zyrtarë të AKSHI-t, mes tyre drejtoreshën Mirlinda Karçanaj, të cilën e cilësoi si “kryemafioze”.
Sipas Berishës “Janë në një vit 800 transaksione nga thesari i shtetit në kontot e dy kompanive të baxhanakut”.
Berisha deklaroi se Ergys Agasi është arratisur të paktën tre javë më parë nga Shqipëria,
Pjesë nga fjala e Berishës:
“Sot, mediat njoftojnë se janë lëshuar një seri kallp-mandatesh arresti për rrethin më të ngushtë të Edi Ramës, Ergys Agasin, i arratisur të paktën tre javë më parë nga Shqipëria, ish-ortakun e Armand Frangut, se për Armandin, i cili është epiqendra, akoma nuk është bërë e qartë nëse është lëshuar mandat arresti apo jo, Gerond Meçen, ish-ortakun e Frangut, i cili ka dy muaj apo tre që është në arrati, pasi doli nga pengmarrja e organizuar nga Ergys Agasi me porosi të Edi Ramës dhe familjes, ka apo jo mandat arresti për Linda Ramën, e implikuar direkt sipas përgjimeve ambientale në tenderat e familjes, pra të Armand Frangut.
Dje apo pardje u informova se në kopshtin privat të Edi Ramës, ai është famëzi Ermal Beqiri, ajo është Lubia bis, Mirlinda Karçanaj, Edi Rama në mes dhe koordinatori i tij për mafien dhe të gjitha problemet e zeza, Ergys Agasi.
Mungojnë aty nga zyrtarët Vlora Hyseni, e cila ka qenë e këtij enturazhi. Ky është famëzi Gerond Meçe, ortaku. Kurse ky është baxhanaku i dashur, që çonte paratë me valixhe në familje. Këta janë grupi i strukturuar kriminal, më saktë organizatë kriminale”.
