Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
"Bima e vetme aromatike për Ramën është droga"/ Berisha: Ne do e subvencionojmë fuqishëm sektorin e bimëve mjekësore
PiranjatPërditësimi i fundit 17 Prill 2025, 11:52
TIRANË- Kreu i Partisë Demokratike zhvilloi ditën e sotme një bashkëbisedim, me Prodhuesit e Bimëve Medicinale. Gjatë fjalës së tij Lideri i opozitës u shpreh se Shqipëria është një nga vendet më të pasura në biodiversitet dhe në bimë mjekësore me potencial të jashtëzakonshëm tregtar, por sipas tij është lënë pas dore nga shteti. Kryedemokrati e cilëson si një sektor ndër më të rëndësishmit për ekonominë natyrore të vendit.
Më tej ai theksoi se prodhimet më të famshme të Shqipërisë janë bimët aromatike dhe eterovajore, më të pëlqyerat, më të preferuarat në tregjet ndërkombëtare, ndërsa për kryeministrin Edi Rama bima e vetme aromatike është droga.
"Të dashur përfaqësues të njërit prej sektorëve më të rëndësishëm do ta quajë të Shqipërisë natyrale, sektorit të bimëve medicinale të vendit. Së pari, u përshëndes shumë përzemërsisht ju dhe të gjithë fermerët, grumbulluesit, përpunuesit, eksportuesit të bimëve mjekësore, bimëve eterovajore të Shqipërisë. Shpreh vlerësimin tim më të madh për punën që ju bëni, kontributin shumë të çmuar që jepni në ekonominë e këtij vendi. Shqipëria është ndoshta për sipërfaqe, kilometër katrorë, vendi më i pasur që mund të ekzistojë në bimësinë e saj, në biodiversitetin e saj.
Shqipëria ka një pasuri shumë të madhe tek bimët eterovajore, bimët mjekësore, aromatike, që kanë një treg të pashterrshëm, të garantuar dhe që nuk ka pasur mbështetjen e duhur nga shteti. Është injoruar në një mënyrë ose në një tjetër. Përveç kësaj, këtij sektori, që është sektor eksporti, këto vitet e fundit i ka ndodhur edhe një goditje shumë e rëndë nga narkoeuro. Sepse ju jeni sektor eksporti dhe natyrisht transaksionet janë në dollarë dhe euro. Krijimi i narkoeuros, zhvlerësimi i saj nga euro e bimëve helmuese, drogave, ka bërë që me qindra e qindra sipërmarrje eksporti të falimentojnë dhe me dhjetëra mijëra shqiptarë të humbasin vendet e punës. Ne në projektin tonë për Shqipërinë Madhështore, ne konsiderojmë sektorin e bujqësisë një sektor të rëndësisë parësore për realizimin e këtij projekti.
Dhe jemi zotuar për një përmbysje të plotë të sistemit aktual, të qëndrimit të këtij sistemi ndaj bujqësisë, blegtorisë, bimëve aromatike, etj. Ne do të dyfishojmë buxhetin për këtë sektor dhe do të katër ose pesëfishojmë subvencionin për fermerët. Do të subvencionojmë çdo hektar të mbjellë, çdo kokë bagëti dhe çdo fidan të mbjellë. Për ju si sektor i veçantë do të subvencionojmë çdo përpjekje tuajën për kultivimin, për mbledhjen, për grumbullimin, për përpunimin dhe eksportin. U garantoj se do jeni një sektor me përparësi absolute. Kjo përputhet 100 përqind me filozofinë tonë Made in Albania, prodhimi shqiptar.
Sepse ne këtë Made in Albania e konsiderojmë levën e Arkimedit për të rritur rrogat, për të rritur pensionet, për të begatuar familjet, për të rritur prodhimin, për të konsoliduar ekonominë si ekonomi prodhuese. Ne shpallim prodhimin si udhëheqës të ekonomisë sonë. Sepse Shqipëria ka mundësi të jashtëzakonshme prodhimi dhe prodhimi po bie prej disa vitesh. Janë krijuar mangësi të mëdha në krah pune. Ikni u thoshte ky narkodiktatori, që siç keni dëgjuar ju, nuk e ka shqipëruar njëherë fjalën sherebelë, por ka shqipëruar qindra mijëra herë fjalën kanabis.
I ka mbetur shpirti në drogë të ziut, paçka se droga është shkatërrim, është rrënim, droga merr jetë, droga shkatërron shëndet, shkatërron familje, shkatërron komb. Dhe ky, që kur ka ardhur në pushtet, nuk ka folur njëherë për ullinjtë, për vreshtin, për mollët, për arrat, për gështenjat, për bimët mjekësore, për bimët aromatike. Bima e vetme aromatike për narkodiktatorin është droga. Dhe cilido që do të njohë tjetrin, duhet ta gjykojë nga fjalori, nga ato që flet. Nuk i nxjerr dot goja dhe shpirti fjalë tjetër përveç kanabisit, në një kohë kur kemi bimë të mrekullueshme.
Prodhimet më të famshme tonat janë bimët aromatike dhe eterovajore, më të pëlqyerat, më të preferuarat në tregjet ndërkombëtare. Kjo nënkupton që ne këtij sektori do i vëmë një rëndësi shumë të madhe. Do subvencionohet fuqishëm i gjithë procesi gjer në eksport. Do krijohen lehtësi të mëdha logjistike të grumbullimit të këtyre bimëve. Do krijohen lehtësi të mëdha për industrinë e përpunimit të tyre në vend," tha Berisha.
