Kreu i Partisë Demokratike Sali Berisha komentoi zgjedhjet në Serbi, teksa Aleksandar Vuçiç ra nga pushteti pas 14 vitesh.
Berisha u ...
POLITIKE
Bushati: Skandali i Irena Gjokës, ‘faqja’ më e turpshme e drejtësisë së re
PiranjatPërditësimi i fundit 30 Janar 2026, 20:15
Analisti Andi Bushati, në një intervistë për SYRI TV me gazetaren Armela Ferko, e ka cilësuar çështjen e gjyqtares Irena Gjoka si një nga episodet më të errëta dhe më të turpshme të historisë së drejtësisë së re.
Sipas Bushatit, pavarësisht se është faktuar se ajo ka gënjyer në formularin e dekriminalizimit dhe se vetingu i saj është nul, institucionet e drejtësisë po bëjnë gjithçka për ta mbajtur në detyrë, duke u sjellë sikur e vërteta nuk ekziston. Ai theksoi se ky qëndrim është një shërbim i drejtpërdrejtë ndaj pushtetit, duke e kthyer drejtësinë në një instrument politik.
Andi Bushati:Në historikun e shkurtër të kësaj drejtësie së rilindur, kjo është një nga faqet më të, më të turpshme, ëh? Është bërë mbi, mbi gati tre vjet që sot ne, dy vjet e gjysëm që flasim për skandalin e një gjyqtareje, që në thelb nuk duhet të ishte më gjyqtare, sepse është kapur duke gënjyer në dokumentin e dekriminalizimit. Pra, vetingu i saj është nul. Dhe megjithëse ka kaluar kaq shumë kohë, çfarë shohim sot? Sot shohim që ka një përpjekje të gjitha institucioneve të drejtësisë për ta mbajtur atë në punë. Pra, kemi një gjyqtare, e cila me dokumente false kalon në Greqi, kapet nga autoritetet greke, dënohet atje, dëbohet nga Greqia dhe, pavarësisht, ta zëmë për një moment se Greqia i ka rënë në qafë.
Minimumi që ajo kishte detyrimin të bënte, do të ishte që këto t'i shkruante, t'i pohonte në formularin e drejtësisë. Pra, pra krimi i saj nuk është vetëm ai që ka bërë në kufirin shqiptaro-grek. Krimi tjetër është edhe që ka gënjyer gjatë procesit të vetingut. Kjo gënjeshtër tashmë është e zbardhur në dritën e diellit. E ka konfirmuar edhe Prokuroria e Përgjithshme e prapë ne jemi në pikën që të gjithë sillen sikur mbreti është lakuriq dhe sikur nuk e shohim që është i, është i tillë. Në këtë, në këtë kuptim prandaj them është një histori ë, tejet e turpshme.
Është e turpshme edhe për vetë Këshillin e Lartë të Drejtësisë, ëh? Kur gazeta greke ‘Ta Nea’ e nxorri për herë të parë skandalin e Irena Gjokës, Këshilli i Lartë i Drejtësisë menjëherë doli me një deklaratë që këtu kërcënohet pavarësia e gjyqësorit e të tjerë e të tjerë. Sot kur e njëjta gjë faktohet dhe nga autoritetet shqiptare, pra nuk ka më asnjë alibi për Irena Gjokën, sot Këshilli i Lartë i Drejtësisë sillet si struc.
Domethënë, pse bëhet kjo? Kjo natyrisht bëhet sepse Irena Gjoka është kamikazja e drejtësisë së re e përdorur kundër të gjitha çështjeve gjyqësore që kanë të bëjnë me opozitën.
Janë të gjitha bashkë. E para, mund të ketë akoma çështje për të mbyllur. E dyta, për të dhënë simbolin që në këtë drejtësinë e re, njerëzit që Rilindjes i shërbejnë si kamikazë, nuk shiten kollaj. E treta, për të treguar se edhe kur denoncimet që bën Sali Berisha apo opozita mund të nisen nga baza reale, janë 100% të vërteta, prapë për pushtetin ë autoritar, ato nuk kanë asnjë vlerë. Pra, ka një sërë arsyesh pse bëhet kjo. Por, goditja e opozitës është vetëm njëra anë e medaljes. Ana tjetër e medaljes është shërbimi ndaj pushtetit.
