Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
Debate në Konferencën e “Venecias”, deputeti demokrat 'kapet' me Ulsi Manjën pasi nuk i dha fjalën
PiranjatPërditësimi i fundit 21 Tetor 2025, 13:10
Në mbyllje të konferencës “30 vite partneritet dhe progres, Shqipëria, Këshilli i Europës dhe Komisioni i Venecias”, ka ndodhur një debat mes deputetit të Partisë Demokratike, Gjin Gjoni, dhe deputetit socialist, Ulsi Manja, njëherësh kryetar i Komisionit të Ligjeve.
Përplasja ndodhi kur Manja, në cilësinë e drejtuesit të punimeve, shpalli përfundimin e fjalimeve, duke mos i dhënë fjalën deputetit Gjoni. Ky i fundit reagoi menjëherë, duke kërkuar të drejtën e diskutimit dhe duke akuzuar Manjën për mungesë respekti ndaj axhendës së përcaktuar.
“Zoti Manja, nëse respekton axhendën, duhet ta respektosh deri në fund. Dua të diskutoj sepse jemi me Venecian këtu. Nuk është normale që s’më lë të flas,” u shpreh Gjoni.
Më pas, në një deklaratë për mediat jashtë ambienteve të konferencës, deputeti demokrat artikuloi një sërë kritikash të forta ndaj reformës në drejtësi, duke e cilësuar si të dështuar në raport me pritshmëritë publike.
“Nëse reforma ka qenë vërtet e suksesshme, pse atëherë perceptimi i qytetarëve pas 10 vitesh është kaq negativ?”, pyeti Gjoni. Ai theksoi se proceset gjyqësore janë bërë më të gjata dhe më të paefektshme, ndërsa vendimet vonojnë për vite me radhë.
Sipas tij, kjo situatë ka krijuar një ndjenjë zhgënjimi të thellë te qytetarët, të cilët “nuk po gjejnë drejtësi, madje as për rastet më të rënda, si vrasjet”.
Gjoni u ndal edhe te roli i politikës në emërimet në sistemin e drejtësisë, duke ngritur alarmin për kapjen e institucioneve:
“Një pjesë e mirë e drejtuesve aktualë të sistemit janë produkte të zyrave të partive politike. Ata që bënë vettingun, sot janë në rrugë për të kapur drejtimin e sistemit. Kjo është një kambanë alarmi.”
