Situata përpara Ministrisë së Arsimit ka përshkallëzuar sërish në përplasje të dhunshme fizike mes efektivëv...
POLITIKE
Deputetja e PD denoncon nga Komisariati nr. 4: Studentë dhe të mitur janë dhunuar keq nga policia
PiranjatPërditësimi i fundit 13 Tetor 2026, 18:45
Deputetja e Partisë Demokratike, Ledina Aliolli, ka denoncuar dhunën e ushtruar nga policia ndaj studentëve dhe të miturve të shoqëruar në Komisariatin nr. 4 në Tiranë, pas protestës së sotme përpara Ministrisë së Arsimit.
Pas daljes nga komisariati, Aliolli tha se ishte thellësisht e tronditur nga ajo që kishte parë, duke dëshmuar për praninë e protestuesve me shenja të dukshme dhune, mes të cilëve kishte edhe të mitur.
Aliolli e cilësoi të rëndë situatën e të rinjve të shoqëruar, të cilët, sipas saj, kishin përfunduar në atë gjendje pasi kishin ushtruar të drejtën e tyre për të protestuar.
‘Sapo kam dalë nga komisariati numër 4, thellësisht e tronditur nga ajo që kam parë.
Kam parë me sytë e mi protestues me shenja të dukshme dhune, të pësuara gjatë protestës. Shumica prej tyre ishin studentë, por midis tyre kishte edhe të mitur.
Është e rëndë sot të shohësh të rinj, studentë dhe të mitur në atë gjendje, pas ushtrimit të të drejtës së tyre për të protestuar.
Ndaj kërkoj hetimin e menjëhershëm të dhunës së denoncuar gjatë protestës, dokumentimin e dëmtimeve, identifikimin e përgjegjësve dhe verifikimin e respektimit të të gjitha garancive ligjore për të miturit.
Studentët e të miturit nuk janë armiq të shtetit. Për ata që pashë sot, kërkoj përgjigje dhe përgjegjësi institucionale.’, thotë deputetja e PD, Ledina Aliolli në reagimin e saj.
